ASNN – Pogradeci provoi barazimin e parë në këtë sezon në fushën e vet. Edhe pse shënuan të parët me anën e Pengut, ata nuk gëzuan shumë, sepse për tre minuta miqtë shënojnë me anën e Erlis Frashërit. Rezultat ky që mbeti deri në fund. Ndonëse loja filloi e shpejtë për vendësit ishin miqtë që të parët tentuan në zonën pogradecare. Liqenorët ushtrojnë presion dhe pikërisht në minutën e 12-të, kanë shënuar me anë të Pengut.
Por nuk kaloi shumë kohë dhe miqtë arrijnë të barazojnë me anë të Frashërit, pas një goditjeje nga këndi. Tashmë loja merr rrjedhë tjetër për vendësit, të cilët sulmojnë vazhdimisht, por miqtë e ekuilibrojnë dhe Duka tenton të gjuajë në kuadratin e portës, por gabon. Në ekipin vendës ndihet mungesa e titullarëve dhe rolin e tyre e kanë marrë më të rinjtë dhe Alillari i cili godet shtyllën horizontale.
Topi rikthehet në lojë, por kësaj radhe ai gjuan jashtë. Trajneri pogradecar, Ardian Abazaj, e ka vëmendjen tek sulmi duke vendosur në këtë pjesë Laçkën. Loja nuk ka ritëm të lartë dhe sulmet janë të lexueshme. Pas minutës së 60-të vihet një lojë tjetër, atje ku miqtë kanë kërkuar kundërsulmin. Në të 74-n, për Luftëtarin mund të kishte shënuar Çaço. Por mund të kishte shënuar dhe Zguro e në fund vetëm 1-1.
Pogradeci – Luftëtari 1-1
Shënues: Pengu 12’ / Frashëri 15’
Pogradeci: Miraka, Pura, Bufasi, Pere, Çela, Liçkollari (Zguro 62’), Turshinka (Çerepi 69’), Zeqollari (Laçka 46’), Alillari, Çekiçi, Pengu. Trajner: A. Abazaj
Luftëtari: Birja, Rexha, Çunaj, Frashëri, Er. Mersini, En. Mersini, Shenaj, Duka, Qejvani (Lluka 46’), Çaço (Aliaj 84’), Nelaj (Zhupa 83’). Trajner: B. Devolli
Gjyqtarë: K. Shahini, F. Elezi, T. Demiraku (Durrës)
Kartonë të verdhë: Bufasi, Turshinka / Birja, Alia
