ASNN – Partizani-Tirana është një ndeshje e shumëpritur për të gjithë sportdashësit kryeqytetas. Të kuqtë vijnë në këtë sfidë me më shumë vetëbesim tek fitorja për vetë faktin se 9 ndeshjet e fundit kanë përfunduar me fitoren e tyre ose janë mbyllur në barazim.
I sigurt për fitoren e skuadrës së tij është edhe futbollisti i Partizanit, Gëzim Krasniqi. Derbi i madh i kryeqytetit, ai midis Partizanit dhe Tiranës si gjithnjë pritet me ankth nga të gjithë, për lojën e bukur që dhurojnë skuadrat në fushë si dhe për të marrë vesh fituesin e takimit.
Por për futbollistin e Partizanit, Gëzim Krasniqi, ndeshja e 146-të midis dy skuadrave të kryeqytetit, duket se e ka fituesin. Ai flet i sigurt për fitoren e skuadrës së tij. Ndeshja Partizani-Tirana do të luhet të dielën, duke nisur nga ora 19:00, në Stadiumin “Elbasan Arena” dhe do të sillet për sportdashësit drejtpërdrejt nga Rrjeti i Radio-Televizionit Shqiptar.
