ASNN – Mamurrasi ka zhvilluar një lojë krejtësisht sulmuese ndaj Gramshit duke treguar se ekipi është në rritje. Trajneri Maho në pjesën e parë do të aktivizonte formacionin më të mirë dhe sipas tij ishte dhe lojë më efektive.
Goli i parë është shënuar nga Myrta, njëri nga mesfushorët më të mirë dhe shtylla kryesore e bazës së ekipit. Në pjesën e dytë, edhe për shkak të zëvendësimeve, loja është e vakët.
Por Mamurrasi do të shënonte dhe golin e dytë me anë të Gjonpalajt dhe në fund 2-0. Ndërkohë, Turbina ka barazuar në miqësoren që është luajtur me Kamzën vendëse dje në mesditë 2-2.
Golat për cërrikasit janë shënuar nga Gjokeja dhe Roshi me 11-metërsha, Ndërkohë cërrikasit janë kompletuar dhe me uniforma e bazë materiale të re dhe janë gatë për sezonin e ri të Kategorisë së Parë.
Mamurrasi – Gramshi 2-0
Shënues: Myrta 25′, Gjonpalaj 52′
