ASNN – Kategoria Superiore e Kampionatit Kombëtar të Futbollit do t’i luajë të dielën dhe të hënën ndeshjet e javës së saj të dytë të sezonit të ri.

Kështu, duke nisur nga ora 13:00, në Stadiumin “Selman Stërmasi” të kryeqytetit do të luhet takimi Korabi-Skënderbeu, ndërsa duke nisur nga ora 16:00, ndeshja Laçi-Tirana.

Takimi tjetër i së dielës është ai i orës 19:00, ku Flamurtari do të presë në Vlorë Luftëtarin.

Dy takimet e tjera të javës së dytë do të luhen të hënën dhe, duke nisur nga ora 16:00, Kukësi pret në fushën e vet Teuta.

Takimi i fundit është ai i orës 19:00, ku Partizani do të presë në “Elbasan Arena” Vllazninë e Shkodrës.

Ky takim, që është edhe më i spikaturi i javës së dytë, do të sillet për sportdashësit drejtpërdejt nga Rrjeti i Radio-Televizionit Shqiptar.

Kategoria Superiore

Java e dytë

Të dielën, 11 shtator 2016

Korabi – Skënderbeu           (13:00)

Stadiumi “Selman Stërmasi”, Tiranë

Laçi – Tirana                          (16:00)

Stadiumi i Laçit

Flamurtari – Luftëtari            (19:00)

Stadiumi “Flamurtari”, Vlorë

Të hënën, 11 shtator 2016

Kukësi – Teuta                      (16:00)

Stadiumi “Zeqir Ymeri”, Kukës

Partizani – Vllaznia              (19:00)

Stadiumi “Elbasan Arena”, Elbasan