Turi i shtatë i Olimpiadës së 42-të Botërore të Shahut, që është duke u zhvilluar në Baku të Azerbajxhanit, ka rezultuar fatlum për Shqipërinë, që merr pjesë si me femrat, ashtu dhe me meshkujt. Sepse për herë të parë në këtë olimpiadë kemi fitore të dyfishtë si të djemve, ashtu dhe të meshkujve. Madje kombëtarja e meshkujve e drejtuar nga Mjeshtri Ndërkombëtar, Fatos Muço, e kishte ndalur suksesin e saj që në turin e tretë kur kishte fituar 3-1 me Zimbabven, ndërsa më parë kishte mundur Maldivet, 4-0.
Dhe barazimi në turin e gjashtë me Mozambikun, 2-2, nuk ishte se kënaqte njeri. Dhe vjen Bahamasi, Shqipëria rilind sepse duke pasur katërshen e saj më të fortë me Erald Dervishin, Dritan Mehmeti, Llambi Paskun dhe Ilir Seitajn ka ditur të fitojë 4-0. Vetëm 3 kandidat mjeshtra për Bahamasin kanë qenë pak për të përballuar Mjeshtrin e Madh Ndërkombëtar Erald Dervishin, si dhe dy Mjeshtrat Ndërkombëtar, Dritan Mehmeti dhe Ilir Seitaj.
E suksesi ishte i garantuar. 7 pikë në po aq ture, me një mesatare 1 pikë për ndeshje, por që në fakt nuk është kështu, sepse duhet të ishim në vendin e parë ndryshe, e rendisin Shqipërinë në vendin e 77-të mes 150 pjesëmarrësve. 15 pikë tavoline, të cilat vijnë nga Erald Dervishi 3.5 pikë në 6 ndeshje, Dritan Mehmeti 5 pikë në 7 ndeshje, Llambi Pasku 2 pikë në 5 ndeshje, Ilir Seitaj 3 pikë në 5 ndeshje, Franc Ashiku 1.5 pikë në 5 ndeshje. Sot kuqezinjtë do të përballen me Luksemburgun.
Olimpiada Botërore e Shahut
“Baku – Azerbajxhan 2016”
Rezultatet teknike të turit të shtatë:
Meshkuj
Shqipëri – Bahamas 4-0
Erald Dervishi – Elton Xhozef (KM) 1-0
Dritan Mehmeti – Kendrik Knoules (KM) 1-0
Llambi Pasku – Frenklin Gibson 1-0
Ilir Seitaj – Sesil Monkur (KM) 1-0
