Komuniteti i rrjetës dje ka përcaktuar shortin e kampionatit për sezonin 2016-2017. Tek meshkujt janë 10 skuadra, tek grupi A1 i femrave 8 ekipe, por “hyn në ujë” grupi A2 i vajzave, pas tërheqjes së Vlora Volejit e Dinamos. Partizani-Tirana, derbi i kryeqytetit në volejbollin e meshkujve që në javën e parë, duket se e “nxeh” garën që në javën e parë të kampionatit të sezonit 2016-2017.
Ky ishte vendimi i shortit që vetë përfaqësuesit e klubeve kanë tërhequr dje në mesditë në mjediset e Federatës Shqiptare të Volejbollit, në prani të presidentit Erlind Pëllumbi dhe Sekretari të Përgjithshëm, Albens Vokopola. Të pranishëm në këtë hedhje shorti kanë qenë edhe trajnerët dhe zyrtarët përkatës.
Më konkretisht, të pranishëm ishin Dritan Bardhi (Farka Volej), Artur Dhima (Elbasani), Markelian Rexhepi dhe Rezart Muka (Erzeni), Gjergji Bardhi (Teuta), Todi Gjini (Apolonia), Ilia Koja (Tirana), Ferdinand Fushëza (Barleti Volej), Shkëlqim Muça (Partizani), Tatjana Marash (Skënderbeu), Arben Sako dhe Blendi Nallbani (Studenti).
Në këtë hedhje shorti kanë munguar përfaqësuesit e Vllaznisë, Lushnjës, Gramshit, Korabit, Flamurtarit, Minatorit të Rrëshenit dhe Divjakës. E për këto ekipe që kanë munguar i kanë tërhequr numrat përfaqësuesit e klubeve të tjera, të cilët kanë mësuar javën e parë, ndërsa kalendari i plotë, së bashku me oraret e ndeshjeve do t’i dërgohet nëpërmjet postës elektronike.
Datat e sezonit 2016-2017
23-25 shtator 2016 Kupa e Federatës Shqiptare të Volejbollit
1 tetor-26 nëntor 2016 Faza e parë e kampionatit
9-11 dhjetor 2016 Eliminatoret e Kupës së Shqipërisë Femra
16-18 dhjetor 2016 Eliminatoret e Kupës së Shqipërisë Meshkuj
Shkurt-8 prill Faza e dytë e kampionatit
9-12 mars Faza Finale e Kupës së Shqipërisë
12/13 prill-3/4 maj “Play-off”-i për titullin “kampion”
Kampionati Kombëtar
i Volejbollit – Meshkuj
Ekipet pjesëmarrëse:
1) Elbasani
2) Gramshi
3) Studenti
4) Partizani
5) Farka Volej
6) Teuta
7) Tirana
8) Skënderbeu
9) Vllaznia
10) Erzeni
Java e parë
(1 tetor 2016)
Elbasani – Erzeni
Gramshi – Vllaznia
Studenti – Skënderbeu
Partizani – Tirana
Farka Volej – Teuta
Kampionati Kombëtar
i Volejbollit – Femra
Grupi A1
Ekipet pjesëmarrëse:
1) Skënderbeu
2) Teuta
3) Elbasani
4) Barleti Volej
5) Lushnja
6) Partizani
7) Tirana
8) Vllaznia
Java e parë
(1 tetor 2016)
Skënderbeu – Vllaznia
Teuta – Tirana
Elbasani – Partizani
Barleti Volej – Lushnja
Kampionati Kombëtar
i Volejbollit – Femra
Grupi A2
Ekipet pjesëmarrëse:
1) Studenti
2) Korabi
3) Flamurtari
4) Minatori
5) Apolonia
6) Divjaka
Java e parë
(1 tetor 2016)
Studenti – Divjaka
Korabi – Apolonia
Flamurtari – Minatori
