Vllaznia në basketboll për meshkuj është gjobitur me 3000 euro nga Liga Ballkanike për shkak të mos zhvillimit të ndeshjes me malazezët e Mornar Tivarit, kjo për arsye të mosfunksionimit të tabelave elektronike. Sipas Ligës Ballkanike në Shkodër ka pasur një mungesë organizimi dhe veprimit të klubit, që ka shfaqur probleme jo profesionale në menaxhimin e situatës.

“Dhe ky është rasti i parë që ndodh në 7 vjet të Ligës Ballkanike, ndërsa gjithçka është e papranueshme”, – ka deklaruar Liga Ballkanike. – Vllaznia ka pasur probleme me tabelën e 24-sekondëshit, ndërsa klubi një orë para ndeshjes dhe një orë pas ndeshjes nuk ka mundur të gjejë zgjidhjen për problemin teknik të pajisjeve jo funksionale elektronike.

Dhe propozimi për të përdorur aparaturat e vjetra nuk ka qenë në gjendjen e duhur teknike. Dhe pas shumë përpjekjesh, komisari i ndeshjes, së bashku me gjyqtarët anuluan ndeshjen, e cila është 20-0 në “tavolinë” për Mornarin. Madje duket se humbjet janë të mëdha, sepse tashmë është anuluar kontrata me Dixhitalb e Supersport, kurse Liga Ballkanike ka pësuar humbje financiare.

Vllaznia ka pësuar një gjobë 3000 euro, 1,500 paguhet direkt, kurse 1,500 të tjera nëse do të përsëritet e njëjta gjë, e cila do të pasohet me humbjen e të gjitha ndeshjeve 20-0 dhe vendosjen me zero pikë në tabelën e renditjes. Dhe automatikisht dhe gjoba dyfishohet e bëhet 3000 euro, pasi do të ketë një gjobë të re.