ASNN – Shumë spektakolare 50 kilometra ecje sportive për meshkuj që ka rezervuar pamje shumë të bukura të premten në Rio. Një garë që është zhvilluar e gjitha në diell është fituar nga sllovaku Matej Toth, i cili ka qenë përpara australianit Xhared Talent dhe japonezit Hiroki Arai. Por një problem më vete ka qenë garimi për francezin Johan Diniz.

Francezi, që e ka nisur garën në mënyrë spektakolare, teksa ka qenë dy minuta përpara kundërshtarëve në gjysmën e garës ka rënë viktimë e një problemi në stomak. Dhe përtej problemeve Diniz ka këmbëngulur për ta çuar deri në fund garën, që ishte dhe pjesëmarrja e tij e tretë në Rio. Dhe atleti 38-vjeçar, pas skualifikimit të japonezit Arai, ka qenë në vendin e 7-të me 5 minuta e 45 sekonda nga fituesi.

Dhe pasi ka kaluar vijën e finishit menjëherë francezi është oksigjenuar e më pas është vendosur në një tendë për t’u rikuperuar. Por është keqësuar, ndaj dhe është transportuar në një klinikë për rehabilitim. Medalja e bronztë i është hequr japonezit Arai dhe i ka kaluar kanadezit Evan Dunfi.

50 kilometra ecje sportive – Meshkuj

1)         Matej Tot (Sllovakia)            3h40’58”

2)         Xhared Tailent (Australi)    3h41’16”

3)         Evan Dunfi (Kanada)          3h41’38”