326 kg në dygarësh në kategorinë e peshës trupore deri në 69 kg në peshëngritje dhe Briken Calja është në vendin e pestë, jo vetëm në stilin e shtytjes me 181 kg, por dhe në përfundim të garës. Ndryshon vetëm pesha trupore, sepse meksikani Roke Mendoza ka qenë 210 gram më i lehtë se sa Calja (68.63 kilogram Mendoza, 68.84 kilogram Calja).
Për rrjedhojë, edhe duke e parë garën me Pirro Dhimën, Ruli ka deklaruar se tashmë do t’i kërkohet Federatës Botërore të Peshëngritjes të mos ekzistojë më pesha trupore. “Me të thënë të drejtën, – thotë Ruli nga Rio, teksa është shefi i misionit Rio 2016, – ka qenë një garë të përsosur taktike. Ndonëse ka dështuar në 3 prova, ato janë çështje të trajnerit.”
“Por, në një farë mënyre ne jemi të kënaqur me vendin e 6-të të Caljes, i cili është i barabartë me të pestin, – ka shtuar ai. – E po kështu dhe vendi i tetë i Velit nuk është pak”. E duke vazhduar më tej, Ruli do të tregonte dhe situatën që është në ekipin olimpik shqiptar. “Ne e kemi parë skuadrën si një familje e madhe, atje ku ka ekzistuar një marrëdhënie e ngrohtë sportist-trajner-drejtues”, – këmbëngul zv/presidenti i KOKSH-it.
“Jemi bërë njësh me të gjitha hallet e problemet të sportistëve, – ka vijuar ish-atleti rekordmen. – Dhe si të tillë ne jemi të kënaqur dhe me sjelljen e tyre në fshatin olimpik. Vlerësojmë paraqitjen e sjelljen e më pas dhe rezultatet. Dhe mendoj se deri më tani jemi mirë. Taktikisht gara e Briken Caljes është vlerësuar dhe nga Pirro Dhima me të cilin e kemi parë bashkë konkurrimin e tij”.
