E nis britaniku Adam Piti në 100 metra bretkosë në eliminatore, e vazhdon hungarezja Katinka Hoszu në 400 metra katërnotim dhe më pas Australia në 4×100 metra stil i lirë. Tri rekorde botërore të thyera që në ditën e para të garave, noti është duke çmendur Olimpiadën braziliane.

Në fakt gjërat kanë nisur që në garat kualifikuese, kur britaniku Adam Piti do të thyente rekordin e parë botëror në disiplinën e notit në Lojërat Olimpike. Në 100 metra bretkosë ai do të vendoste kohën e re 57”55. Dhe ka përmirësuar rekordin të cilin e mbante po vetë, ndërsa 4 vjet më parë në Lojërat Olimpike “Londër 2012” do të kishte kohën 57”92.

Por më pas vjen rekordi botëror i hungarezes Katinka Hoszu në 400 metra katërnotim dhe katër finalet e ditës së parë të notit janë mbyllur me rekordin botëror të Australisë në 4×100 metra stil i lirë. Tri rekorde që në ditën e parë dhe noti çmend olimpiadën braziliane, në një kohë që ende nuk është futur ende “seriozisht” në pishinë Majkëll Felpsi.

Lojërat e 31-ta Olimpike “Rio 2016”

Rezultatet teknike të finaleve të notit

400 metra katërnotim (Meshkuj)

1) Kosuke Hagino (Japoni)                        4’06”05

2) Shase Kalisz (SHBA)                 4’06”75

3) Daija Seto (Japoni)                     4’09”71

400 m stil i lirë (Meshkuj)

1) Mak Horton (Australi)                  3’41”55

2) Sun Jung (Kinë)                          3’41”68

3) Gabriele Deti (Itali)                      3’43”89

400 m e përzier (Femra)

1) Katinka Hoszu (Hungari)           4’26”39

2) Madeline Dirado (SHBA)           4’31”15

3) Mirela Belmonte (Spanjë)          4’32”89

4×100 m stil i lirë (Femra)

1) Australia                                        3’30”65

2) SHBA                                            3’31”89

3) Kanadaja                                      3’32”89