Nuk ka më ceremoni pritjeje e përcjelljeje, por të gjithë drejt Rios. Kjo ka ndodh me delegacionin olimpik shqiptar, ndërsa dje janë nisur drejt kryeqytetit brazilian sekretari i përgjithshëm i Komitetit Olimpik Kombëtar Shqiptar, Stavri Bello, si dhe presidenti i Komitetit Olimpik Kombëtar Shqiptar, Viron Bezhani.

Sot do të niset flamurmbajtësja e Shqipërisë në ceremoninë e hapjes së Lojërave Olimpike “Rio de Zhaneiro 2016”, me orën e Tiranës zhvillohet në ora 01:00 të mëngjesit të së shtunës, Luiza Gega së bashku me trajnerin e saj Taulant Stërmasi dhe fizioterapisten Sidita Hoxholli.

Kjo e fundit ka qenë e angazhuar dhe do të jetë e përqendruar me nënkampionen e Evropës. E bashkë me ta do të jetë dhe peshëngritësja e peshës 53 kilogram, Evangjeli Veli, që do të jetë së bashku me trajnerin e caktuar nga Federata Shqiptare e Peshëngritjes, Sokol Bishanaku.

E kësisoj të gjithë janë gati për të marrë pjesë në Lojërat Olimpike, një delegacion që duket si një grusht i mbledhur, por që premton të bëjë një paraqitje dinjitoze për sportin shqiptar.

Delegacioni olimpik shqiptar

në “Rio de Zhaneiro 2016”

1)       Luiza Gega               Atletikë

2)       Taulant Stërmasi      Trajner

3)       Izmir Smajlaj              Atletikë

4)       Vildan Tufi                Trajner

5)       Sidni Hoxha              Not

6)       Nikol Merizaj             Not

7)       Sadik Mema              Trajner

8)       Briken Calja              Peshëngritje

9)       Leonard Toska         Trajner

10)      Gjergji Ruli                Shefi i Misionit

11)      Kliton Muço               Zyrtar

12)      Mel Ostreni                Mjek

13)      Sidita Hoxholli          Fizioterapiste

14)      Elez Gjoza                 Zyrtar/Presidenti i Federatës Shqiptare të Peshëngritjes

15)      Evangjeli Veli           Peshëngritje

16)      Sokol Bishanaku     Trajner