ASNN – Korabi i Peshkopisë, këtë sezon do të jetë pjesë e Kategorisë Superiore. Trajneri i skuadrës dibrane, Artan Mergjushi ka krijuar një skuadër të re për të përballuar nivelin e këtij kampionati. Vetëm 3 lojtarë kanë mbetur nga ekipi që luajti në kategorinë e parë, pjesa tjetër janë lojtarë të rinj.

Fazën përgatitore, ekipi dibran do ta zhvillojë në Peshkopi, në pritje të lojtarëve të tjerë që do të përforcojnë repartin e sulmit. Kështu, Korabi është një nga skuadrat që, këtë sezon, do të luajë për herë të parë në Kategorinë Superiore.

Pas një kampionati të mrekullueshëm që realizoi në Kategorinë e Parë, skuadra dibrane, kërkon të japë më të mirën e vet edhe në superiore. Trajneri, që do të drejtojë tashmë Korabin, Artan Mergjyshi, tregon për merkaton dhe fazën përgatitore të ekipit.

Meqenëse stadiumi i Peshkopisë nuk i plotëson kushtet, Korabi do t’i zhvillojë shumicat e ndeshjeve “në shtëpi” në Tiranë, në Stadiumin “Selman Stërmasi”.