Shefi i misionit të Shqipërisë në Lojërat Olimpike, Gjergji Ruli, që është njëkohësisht dhe zëvendëspresidenti i Komitetit Olimpik Kombëtar Shqiptar, apo dhe presidenti i Federatës Shqiptare të Atletikës, ka bërë të ditur se sot do të jetë një takim mes shqiptarësh. Sepse nuk janë vetëm shqiptarët e delegacionit kuqezi atje.

Por për ngjyrat e Bullgarisë do të jetë mundësi Elis Guri, përfaqësuesi i Shqipërisë në Lojërat Olimpike “Pekin 2008”, pa harruar këtu përfaqësuesin e Australisë po në mundje, flamurmbajtësi i Shqipërisë po në “Pekin 2008”, Sahid Prizreni. Pa harruar Kosovën, e cila do të jetë me 8 sportistë.

E midis tyre është edhe Majlinda Kelmendi, që për Shqipërinë garoi në xhudo në Lojërat Olimpike “Londër 2012”. Pra bëhen shumë shqiptarë dhe në Rio flitet shumë shqip. Sikur të ishin të gjithë së bashku, sot nuk do t’i numëronin sportistët me gishtat e dorës në “Rio 2016”.

Por, për shumë e shumë faje të të gjithëve, sot numërojmë dhe kuqezinjtë me ngjyrat e flamujve të tjerë. E megjithatë ne jemi krenarë për ta, ndaj dhe sot të gjithë shqiptarët do të jenë bashkë. “Do të mblidhemi të gjithë këtu sot në Rio e në ditën e garimit të tyre do të bëjmë tifozllëk me flamurin shqiptar, pavarësisht se garojnë për shtet e flamuj të tjerë”, – ka përfunduar Ruli, duke folur nga Rio.

Delegacioni shqiptar në Rio 2016

1)       Luiza Gega               Atletikë

2)       Taulant Stërmasi      Trajner

3)       Izmir Smajlaj              Atletikë

4)       Vildan Tufi                Trajner

5)       Sidni Hoxha              Not

6)       Nikol Merizaj             Not

7)       Sadik Mema              Trajner

8)       Briken Calja              Peshëngritje

9)       Leonard Toska         Trajner

10)      Gjergji Ruli                Shefi i Misionit

11)      Kliton Muça               Zyrtar

12)      Mel Ostreni                Mjek

13)      Evangjeli Veli           Peshëngritëse

14)      Genci Barkiçi                        Trajner