ASNN – Andrea Doviciozo do të niset i pari në garën e së dielës,të vlefshme për Çmimin e Madh të Holandës në Botërorin e Motorëve. Në pistën kapriçoze në Asen, kur gjysmën e provave zyrtare, ishte e lagur dhe në gjysmën tjetër të kohës ishte e thatë, piloti i “Dukati”-t ka dhënë kohën më të mirë. Nga vendi i dytë do të niset Valentino Rosi. Kështu, provat zyrtare të Botërorit të Motorëve të zhvilluara në pistën e Motulit në Asen kanë patur të papriturat e shkaktuara nga moti.

Pilotët i kanë nisur provat me shi, në një pistë të lagur për t’i mbyllur më pas në një pistë të thatë, duke u detyruar të ndërrojnë edhe gomat. Në këto kushte, nga vendi i parë në garën e së dielës, do të niset Andrea Doviciozo. Piloti italian i “Dukati”-t ka dhënë kohën më të mirë se kundërshtarët e tij. Pas tij do të niset Valentino Rosi me “Yamaha”-n. Rreshti i parë i nisjes mbyllet me anglezin Riding të “Dukati”-t. Për Mark Markezin mbetet rreshti i dytë i nisjes.

Spanjolli i “Honda”-s do të niset nga vendi i katërt, ndërsa Horege Lorenco një nga pilotët pretendentë për titullin “kampion”, në këtë garë do të niset nga vendi i 11-të. Pas garave të para në Botërorin e Motorëve, renditjen për pilotë e kryeson, Mark Markez me 125 pikë, me 2 gara të fituara, i dyti renditet Horge Lorenco, me 115 pikë, me 3 gara të fituara, dhe i treti është Valentino Rosi, me 103 pikë, me 2 gara të fituara.