ASNN – Evropiani francez ka përcaktuar tashmë 16 skuadrat e kualifikuara për në fazën e turit të 16-shes. Përgjatë tri ditëve, në datat 25, 26 dhe 27  qershor 2016, do të luhen ndeshjet e kësaj faze të Evropianit, nga të cilat më pas do të përcaktohen skuadrat çerekfinaliste.

Janë përcaktuar tashmë 16 skuadrat e kualifikuara për në fazën tjetër të “Euro 2016”-ës. Kombëtaret dhe trajnerët kanë njohur kundërshtarët e tyre. Kështu Zvicra do të përballet me Poloninë në 25 qershor 2016. Po në këtë datë do të luajnë edhe Kroacia me Portugalinë dhe Uellsi me Irlandën e Veriut.

Të dielën më 26 qershor 2016, luhen çiftet , Francë-Irlandë, Gjermani-Sllovaki dhe Hungari-Belgjikë. Ndërsa të hënën, më 27 qershor 2016, luhen ndeshjet e fundit Itali-Spanjë dhe Angli-Islandë. Më i vështirë do të jetë shorti për skuadrat që do të kualifikohen në çerkefinale.

Kështu, fituesi i çiftit Itali-Spanjë do të ndeshet me fituesin e duelit Gjermani-Sllovaki, në atë që padyshim është një finale e parakohshme. Ndërkohë, në rast fitoreje në ndeshjet e tyre, Francës i takon të ndeshet me Anglinë. Kombinimet e tjera do të jenë: Fituesi i Zvicër-Poloni me fituesin e Kroaci-Portugali, ndërsa çifti tjetër çerekfinal do të krijohet nga fituesi i duelit midis Uellsit me Irlandën e Veriut dhe atij Hungari-Belgjikë.

Euro 2016

Turi i 16-shes:

 Të shtunën, 25 qershor 2016:

Zvicër – Poloni                      (15:00)

Stadiumi i Sent Etienit

Uells – Irlandë e Veriut        (18:00)

Stadiumi i Parisit

Kroaci – Portugali                 (21:00)

Stadiumi i Lensit

Të dielën, 26 qershor 2016:

Francë – Irlandë                    (15:00)

Stadiumi i Lionit

Gjermani – Sllovaki              (18:00)

Stadiumi i Lilës

Hungari – Belgjikë                (21:00)

Stadiumi i Tuluzës

Të hënën, 27 qershor 2016:

Itali – Spanjë                          (18:00)

Stadiumi i Sent Denis, Paris

Angli – Islandë                      (21:00)

Stadiumi i Nisës