Çiklisti i Tiranës, Ylber Sefa, ka fituar pesë nga gjashtë etapat e Rrethit të 73-të Çiklistik të Shqipërisë. Madje dhe dje, në finishin e fundit në Gracen, ka qenë përsëri triumfator duke qenë dominues mbi të gjithë. Pas ndarjes së çmimeve, presidenti i Federatës Shqiptare të Çiklizmit, Skënder Anxhaku, i ka falënderuar të gjithë pjesëmarrësit.
Në mënyrë të veçantë ekipet e Bosnje-Hercegovinës, Kosovës, Malit të Zi dhe Maqedonisë, të cilat, sipas tij, e bënë garën më të bukur. “Më duhet të falënderoj policinë e shtetit për mbështetjen, gjyqtarinë, skuadrat e tjera pjesëmarrëse”, – ka thë kreu i organizmit që qeveris futbollin shqiptar.
“Do t’iu kërkoja më shumë cilësi në garat e ardhshme, sepse jemi në prag të kampionatit kombëtar dhe Kampionatit Ballkanik, – ka shtua Anxhaku. – Dhe një herë suksese!” E Rrethi i 73-të Çiklistik i Shqipërisë është vlerësuar dhe nga përfaqësuesit e Bosnjes, Malit të Zi dhe Maqedonisë.
Madje propozimi i malazezëve, parë dhe terrenet malore që Shqipëria ka, ka qenë zhvillimi i disiplinës sportive të “mountain-bike”. E këtu ka marrë fund Rrethi i 73-të Çiklistik i Shqipërisë, duke shpallur fitues Ylber Sefën si individ dhe Apoloninë si skuadër.
Rrethi i 73-të Çiklistik i Shqipërisë
Rezultatet teknike të etapës së 5-të
(Pogradec-Gracen, 109 kilometra)
Nr. Çiklisti (Skuadër) Koha
- Ylber Sefa (Tirana) 2h48’40”
- Altin Sufaj (Apolonia) 2h49’01”
- Besmir Banushi (Apolonia) 2h49’09”
Renditja e përgjithshme pas 6-të etapash:
Nr. Çiklisti (Skuadër) Koha
- Ylber Sefa (Tirana) 15h16’14”
- Besmir Banushi (Apolonia) 15h18’10”
- Altin Sufaj (Apolonia) 15h19’06”
Renditja e përgjithshme ekipore:
Nr. Skuadra Koha
- Apolonia 46h03’19”
- Mali i Zi 46h14’45”
- Tirana 46h20’04”
