ASNN – Kampionati Amerikan i Basketbollit për Meshkuj, i njohur ndryshe si NBA, ka luajtur takimin e tretë të finales së tij të dhe Klivlend Kavalirs janë rikthyer në lojë, duke fituar me rezultatin 120-90 dhe duke rihapur betejën për trofe.

Gollden Stejt Uorriërs i kishin fituar dy ndeshjet e para dhe kërcënonin ta mbyllin shpejt betejën finale. Por nuk ka qenë i këtij mendimi ylli i Klivlend Kavalirs, LëBron Xhejms, i cili realizoi 32 pikë dhe fitoi 11 topa në tabelë.

Bashkë me të, Irving shënoi 30 pikë të tjera dhe Klivlendi, i nxitur për 48 minuta nga një publik i zhurmshëm dhe i etur për trofe, korri një fitore jo vetëm bindëse, por edhe të rëndësishme për fatin e finales për titull.

Në takimin e sjellë për sportdashësit drejtpërdrejt nga Rrjeti i Radio-Televizionit Shqiptar në orët e para të mëngjesit së të enjtes, Kavalirs kanë treguar dhëmbët që në pjesën e parë, duke e fituar atë 33-16.

Ndonëse Uorriërs e fitojnë të dytën 18-27, Klivlendi e fiton të tretën 38-26, duke krijuar një epërsi prej 20 pikësh, epërsi që u thellua në përfundim të sfidës, që fitohet me shifrat përfundimtare 120-90.