ASNN – Pavarsisht se është mundur 1-3 në takimin e parë të vlefshëm për Ligën e Evropës, Shqipëria e volejbollit të femrave ka bërë një paraqitje mjaft të mirë në rikthimin e saj në arenën ndërkombëtare. Një skuadër që ka ndërthurur disa nga lojtaret më të spikatura shqiptare që luajnë jashtë, me më të mirat e volejbollit vendas, premton ta rikthejë përsëri rrjetën shqiptare në nivele të respektueshme.

Kështu, Shqipëria e volejbollit të femrave është rikthyer pas disa vitesh mungesë në arenën ndërkombëtare dhe vetëm fati dhe episodet i kanë mohuar fitoren në takimin e parë të vlefshëm për grupin e saj në Ligën e Evropës, pasi është mundur 1-3 nga Polonia.

Një skuadër që ka ndërthurur disa nga volejbollistet më të spikatura shqiptare që luajnë jashtë, të tilla ai motrat Prenga, Amarilda dhe Arjola, Matoshi apo Sindi Marina, me më të mirat e volejbollit vendas, të tilla si Erblina Bici, Esmeralda Tuci, Ergysa Blloku, Klonarda Nezaj, Sava Thaka, Xhozi Sejfullai e të tjera, e ka nisur mjaft mirë ndeshjen, duke e fituar setin e parë 25-21.

Polonia kundërpërgjigjet në të dytin, duke e fituar atë 25-16, ndërsa dy setet e tjera kanë qenë një betejë e vërtetë. Polaket marrin të tretin 27-25, ndërsa i katërti, i cili e ka parë Shqipërinë të ishte disa herë pranë fitores, u ka rrëshkitur nga duart vajzave kuqezi, të cilat e humbin atë 25-27, dhe gjithë ndeshjen 1-3.

Pavarsisht humbjes, ka qenë një paraqitje mjaft e mirë e vajzave kuqezi, të cilat luajnë sot ndeshjen e dytë me Sllovakinë.

Poloni – Shqipëri                              3-1

(21-25, 25-16, 27-25, 27-25)