ASNN – Tanimë është zyrtare, pasi Mançester Junajtid ka konfirmuar Zhoze Murinjon si trajnerin e ri të skuadrës. Ky zyrtarizim vjen vetëm disa ditë pas shkarkimit të Luis Van Galit.
Murinjo ka nënshkruar një kontratë 3-vjeçare, me mundësinë që të qëndrojë në “Olld Traford” deri më 2020, thuhet në konfirmimin e Mançester Junajtid. Deri më tani, trajneri portugez ka fituar në karrierën e tij 22 trofe që nga viti 2003.
Ai ka menaxhuar klubet më të mëdhenj evropiane, ndërsa ka arritur edhe sukseset kulminante me Porton dhe Interin duke fituar Ligën e Kampionëve. “Të bëhem trajner i Mançester Junajtid është një nder i madh”, – ka thënë ai.
“Është një klub i mirënjohur dhe i admiruar në gjithë botën”, – ka shtuar Murinjo. Ndonëse ende nuk janë dhënë shifra, flitet që kontrata e tij 3-vjeçare me “Djajtë e kuq” kap shifrën e 45 milionë stërlinave angleze.
