Eugert Zhupa nuk ka shkuar më shumë se sa vendi i 129-të në garën e tretë të kronometrit, një specialitet jo i tiji, por në renditjen e përgjithshme gjendet i 124-ti. Gara dinjitoze e shqiptarit.

Fundjava dhe kuota e lartë e Xhiros së Italisë është mbyllur nën shenjën e rusit Aleksandër Foliforov, që ka fituar garën impenjative të kronometrit Kastelroto-Alpe di Siusi, e gjatë 10.8 kilometra me 9 ngjitje, atje ku pjerrësia mesatare është 8.3 %.

Por mesazhi më i fortë dhe i qartë nga ndjekësit vjen prej holandezit Stiven Kruijsvijk, që duke u renditur i dyti në këtë garë kronometri, konsolidon pozicionin e tij të kryesuesit të renditjes së përgjithshme në Xhiron e Italisë.

I treti është Valverde dhe një vend i 5-të shumë i mirë ka ardhur për Skarponin, ndërsa i 6-ti Çavez, që parakalohet në renditjen e përgjithshme nga Nibali. Etapa e 15-të e vështirë për Skualon, i vonuar në ngjitje, ndërsa është penguar nga një tifoz me një gjest jo qytetar.

Sot është e hëna e fundit e pushimit, pastaj janë gjashtë ditë finale të nxehta të garës. Ndërkohë Eugert Zhupa, edhe duke mos qenë në garën e tij të kronometrit, ka ardhur i 129-ti në finish, ndërsa në renditjen e përgjithshme ndodhet në vendin e 124-tërt.

Xhiro e Italisë 2016

Çiklizëm – Meshkuj

Rezultatet teknike të etapës së 15-të kronometër

(Kastelroto-Alpe di Susi – 10.8 kilometra)

Nr.       Çiklisti            (Kombësia)                           Koha 

1)     Aleksandër Foliforov (Rusi)           28’39”

2)     Stiven Kruijsvijk (Spanjë)               -“-

3)     Alehandro Valverde (Spanjë)        + 23”

4)     Sergei Firsanov (Rusi)                    + 30”

5)     Mikele Skarponi (Itali)                     + 36”

6)     Esteban Çavez (Kolumbi)              + 40”

7)     Ilnur Zakarin (Rusi)                         + 47”

8)     Jozef Dombrovski (SHBA)             + 52”

9)     Bob Jungels (Luksemburg)                       + 1’04”

10)    Rafal Majka (Poloni)                        + 1’09”

129)    EUGERT ZHUPA (SHQIPËRI)      + 5’32”

Renditja e përgjithshme pas 15 etapash:

Nr.       Çiklisti            (Kombësia)                           Koha 

1)     Stiven Kruijsvijk (Holandë)             60h41’22”

2)     Esteban Çavez (Kolumbi)              + 2’12”

3)     Vincenco Nibali (Itali)                      + 2’51”

4)     Alehandro Valverde (Spanjë)        + 3’29”

5)     Rafal Majka (Poloni)                        + 4’38”

6)     Ilnur Zakarin (Rusi)                         + 4’40”

7)     Andrei Amador (Kosta Rika)          + 5’27”

8)     Bob Jungels (Luksemburg)                       + 7’14”

9)     Kanstantsin Siutsou (Bjellorusi)   + 7’37”

10)    Jakob Fuglsang (Danimarkë)        + 7’55”

124)    EUGERT ZHUPA (SHQIPËRI)      + 2h43’41”