Turi i 9-të i Kampionatit Evropian Individual të Shahut në Gjakovë ka shënuar dy fitore për kuqezinjtë. Kështu Rexhep Masha ka fituar ndaj izraelitit Gal Moshe, kurse Riza Bregu ka fituar ndaj kosovarit Ismet Topalli.
Por ndërkohë Eglantina Shabanaj është mundur nga mjeshtri ndërkombëtar nga Ukraina, Sergei Smolin. Dhe të njëjtën gjë ka pësuar dhe Diamant Yzeiraj nga kosovari Muhamet Krasniqi.
Pas 9 turesh, me 4 pikë, Rexhep Masha renditet në vendin e 153-të. Ndërkohë, pranë e pranë, në të njëjtën kuotë pikësh, 3, janë Eglantina Shabanaj në vendin e 198-të dhe Riza Bregu në vendin e 199-të.
Dhe me vetëm një pikë në 9 raunde, Diamant Yzeiraj klasifikohet në vendin e 229-të. Evropiani përfundon të hënën.
