Mikel Nieve arrin i vetëm në Çividale del Friuli, ndërsa është fituesi i etapës së trembëdhjetë të Xhiros së Italisë. Çiklisti bask ndërton aksionin e tij vendimtar dhe fitues në ngjitjen e fundit të etapës, në majën Porzus 910 metra, dhe i stakon të gjithë ndjekësit e tij. Xhovani Viskonti ka ardhur në finish 43 sekonda pas Nieves.

Nibali e Valverde stakojnë fanellën rozë luksemburgasin Jungels, që mbërrin me 1 minutë e 17 sekonda larg vendit të parë dhe fituesit e të etapës. Dhe kryesuesi i ri i Xhiros së Italisë për këtë vit është çiklisti nga Kosta Rika, Andrei Amador. Falë edhe bonuseve, Nibali është i treti në renditjen e përgjithshme.

Duke mbetur tek etapa e djeshme, pas 40 kilometrave që nga nisja nga Palmanova shkëputet një grup prej 25 çiklistësh, të cilët arrijnë epërsinë maksimale nga ndjekësit me 2’50”. Nieve në mënyrë të vazhdueshme i ka lënë nga pas ndjekësit e tij dhe i vetëm ka hyrë i pari në Çividale del Friuli.

Sa i përket Eugert Zhupës ai ka mbërritur në finish dje i 103-ti me 32 minuta e 43 sekonda nga Nieve, ndërsa në renditjen e përgjithshme ka zbritur në vendin e 125-të duke mbetur gati dy orë larg kryesuesit Amador. Që do të thotë një etapë jo e mirë për të vetmin përfaqësues të Shqipërisë në Xhiron e Italisë të këtij viti.

Xhiro e Italisë 2016

Çiklizëm – Meshkuj

Rezultatet teknike të etapës së 13-të

(Palmanova-Çividale del Friuli, 170 kilometra)

Nr.       Çiklisti            (Kombësia)                           Koha 

1)     Mikel Nieve (Spanjë)                       4h31’49”

2)     Xhovani Viskonti (Itali)                    + 43”

3)     Vincenco Nibali (Itali)                      + 1’17”

4)     Alehandro Valverde (Spanjë)        – “ –

5)     Rafal Majka (Poloni)                        – “ –

6)     Stefan Denifl (Austri)                      – “ –

7)     Stiven Kruijsvijk (Holandë)             – “ –

8)     Rigoberto Uran Uran (Spanjë)      – “ –

9)     Mateo Montaguti (Itali)                    – “ –

10)    Domeniko Pozovivo (Itali)              – “ –

103)    EUGERT ZHUPA (SHQIPËRI)      + 32’43”

Renditja e përgjithshme e pas 13 etapash:

Nr.       Çiklisti            (Kombësia)                           Koha 

1)     Andrei Amador (Kosta Rika)          54h05’50”

2)     Bob Jungels (Luksemburg)                       + 26”

3)     Vincenco Nibali (Itali)                      + 41”

4)     Alehandro Valverde (Spanjë)        + 43”

5)     Stiven Kruijsvijk (Holandë)             – “ –

6)     Rafal Majka (Poloni)                        + 1’37”

7)     Ilnur Zakarin (Rusi)                         + 2’01”

8)     Esteban Çavez (Kolumbi)              + 2’19”

9)     Rigoberto Uran Uran (Kolumbi)    + 2’48”

10)    Jakob Fuglsang (Danimarkë)        + 3’15”

125)    EUGERT ZHUPA (SHQIPËRI)      + 1h54’59”