Basketbolli shqiptar dje ka përcaktuar dhe katër gjysmëfinalistet e paratërinjve. Tashmë është vetëm ky Kampionat Kombëtar i moshave të koshit që ende nuk ka përfunduar, ndërsa deri më tani janë “kampionë” për paratëreja Superiori, të reja Vllaznia dhe të rinj Superiori.

Në çerekfinalet e djeshme ato që diheshin që do të kalonin ishin Marsi Basket dhe Superior Klima, të cilat i kishin fituar dhe ndeshjet e para. Të vetmet dilema ishin në ndeshjet Goga Basket-Kamza Basket dhe Apolonia-Tirana, që përtej fitores së Goga Basket dhe Apolonisë janë kualifikuar humbëset, sepse kanë pasur fitore më të thella në ndeshjet e para.

Madje ka pasur dhe ironi për shkak të gjykimit në ndeshjen Goga Basket-Kamza Basket. Parë kështu, ndërsa faza gjysmëfinale dhe finale është në prag, gjyqtarët duhet të jenë më të kujdesshëm, sepse tashmë është kulmi i shpërblimit të një sezoni të tërë.

Kampionatit Kombëtar

i Basketbollit – Paratërinj

Kalendari i çerekfinaleve:

7 maj 2016:

Kamza Basket – Goga Basket 1                53-45

Tirana – Apolonia                                        49-44

Ardhmëria Basket – Superior Klima         66-76

8 maj 2016:

Sonia Basket – Marsi Basket                     52-75

14 maj 2016:

Apolonia – Tirana                                        36-35

Superior Klima – Ardhmëria                      60-33

15 maj 2016:

Marsi Basket – Sonia Basket                     60-45

Goga Basket 1 – Kamza Basket                59-57