Trajneri i Teutës, Milan Milatoviç, ka vendosur që ta nisë me Llazanin dhe Ndrekon, ndërsa jo gjithçka është përqendruar tek Daliu, që njihet si një lojtar qendre i fortë. Jashtë forme Hamati, por dhe Karaj e Birçaj, e për rrjedhojë Kamza Basket ka vështirësi. Durrsakët godasin edhe nëpërmjet Aliajt dhe Goreas dhe, për rrjedhojë, pjesa e parë është në favor të durrsakëve 12-19.

Luhet pikë më pikë në pjesën e dytë, e cila edhe duke përfunduar barazim 21-21 e lë Teutën në një epërsi prej 7 pikësh 33-40. Presidenti i shoqatës Teuta Basket, Arqile Gorea, u kërkon tifozëve të mos u afrohen lojtarëve, të cilët duhet të jenë të përqendruar për atë që bëjnë sepse ndeshja ende nuk kishte përfunduar. Dhe ka pasur të drejtë kur Gjoka me 3-pikësh, por dhe të tjerët e kanë futur në lojë Kamza Basket.

Por vetëm kaq, sepse Teuta nuk dorëzohet. Fiton pjesën e tretë 15-23 dhe diferenca prej 15 pikësh epërsi për Teutën, 48-63, duket e pamundur për t’u përmbysur. Përpiqet Kamza Basket, ndërsa arma e tyre më e fortë për 3 pikë nuk është se e ka pasur shënjestrën e duhur. Pavarësisht përpjekjeve të Kamza Basket, që e ka fituar pjesën e katërt 26-16, në fund fitorja i ka buzëqeshur Teutës, 80-74.

E ka merituar dhe nuk do të jetë aspak çudi nëse do të jetë ajo finaliste, sepse edhe gjendja fizike e lojtarëve të Kamza Basket, me një mbingarkesë të tejskajshme ndeshjesh, nuk është ndër më të mirat në këtë fund sezoni. Ndaj Kamza Basket ka paguar këtë, por dhe festën e parakohshme, sepse në ndeshje të tilla nuk mund të shkohet me “këngë e valle…”

Kamza Basket – Teuta         74-80  (0-1)

(12-19, 21-21, 15-23, 26-17)

Kamza Basket: Gjoka (3), Birçaj (6), Karaj (3), Hamati (15), Shestani (19) / Fjolla (11), Roshi (17). Trajner: A. Muhametaj

Teuta: Daliu (12), Ndreko (17), Aliaj (20), Llazani (12), Gorea (8) / Strazimiri (3), Thano (8). Trajner: N. Milatoviç

Gjyqtarë: E. Koçi, G. Hoxha, A. Bejko (Tiranë)

Kampionati Kombëtar

i Basketbollit – Meshkuj

Kalendari i “play-off”-it

për titull kampion

Superliga

Gjysmëfinalet:

11 maj 2016:

Kamza Basket – Teuta         74-80  (0-1)

(12-19, 21-21, 15-23, 26-16)

Salla Sportive, Bathore

Vllaznia – Tirana                   81-63  (1-0)

(21-13, 16-17, 20-15, 25-18)

Pallati i Sportit “Qazim Dervishi”, Shkodër

14 maj 2016:

Teuta – Kamza Basket                    ora 19:00

Pallati i Sportit “Ramazan Njala”, Durrës

Tirana – Vllaznia                              ora 19:00

Salla Sportive “Fahrie Hoti”, Tiranë

18 maj 2016:

(nëse do të jetë e nevojshme)

Kamza Basket – Teuta                    ora 19:00

Salla Sportive, Bathore

Vllaznia – Tirana                              ora 19:00

Pallati i Sportit “Qazim Dervishi”, Shkodër