Kamza Basket i bën dëm festa para ndeshjes pikërisht në fazën më kulmore të sezonit, teksa luftohet për të shkuar në finalen e titullit kampion. Skuadra e Adem Muhametajt, e cila një javë më parë kishte fituar Superkupën e Shqipërisë, por dhe Kupën e Shqipërisë, është vizituar dje nga Kryetari i Bashkisë së Kamzës, Xhelal Mziu. I shoqëruar nga trajneri Adem Muhametaj ai ka takuar lojtarët një e nga një.

I ka uruar për suksesin e radhës, që në këtë sezon është i dyti për ta, si dhe u ka kërkuar më shumë këmbëngulje për të shkuar tek titulli kampion, që Kamza Basket e ka fituar për herë të fundit në sezonin 2012-2013. Foto me kupën dhe me Kryetarin e Bashkisë, i cili në fund ka takuar dhe kapitenin Erkand Karaj. E më pas është larguar, por duket se kjo vizitë, që është kthyer në një festë para ndeshjes, duket se nuk ka qenë një ogur i mirë për Kamza Basket.

Ndoshta duke e menduar të fituar ndeshjen, Kamza Basket është tronditur në fushën e vet nga Teuta, e cila ka bërë ndeshjen më të mirë të saj. Tashmë për përmbysje i duhet shumë punë Muhametajt dhe lojtarëve të tij, sepse në radhë të parë duhet të fitojnë të shtunën në Durrës për të menduar kthesën më 18 maj. Meritë e padiskutueshme e durrsakëve, që duket se kanë pritur fundin e sezonit për të vërtetuar se e kanë merituar daljen e tyre në “play-off”-in për titull.

Vllaznia – Tirana                   81-63  (1-0)

(21-13, 16-17, 20-15, 25-18)

Vllaznia: Berdica (23), Gjonaj (8), Faslia (12), Arra (11), Alen (24) / Ndoja (3), Xhokoviç, Bekteshi, Taraboshi, Da. Lekndreaj, Shabani, Do. Lekndreaj Trajner: B. Gjeçaj

Tirana: Lasku (16), Vogli (22), Sukaj (6), Gjyzeli (8), Vaqarri (9) / Hasani (2), Hysa, Mara, Lilaj. Trajner: R. Avrami

Gjyqtarë: G. Cici (Tiranë), E. Hoxhaj, M. Kasëmi (Vlorë)

Kampionati Kombëtar

i Basketbollit – Meshkuj

Kalendari i “play-off”-it

për titull kampion

Superliga

Gjysmëfinalet:

11 maj 2016:

Kamza Basket – Teuta         74-80  (0-1)

(12-19, 21-21, 15-23, 26-16)

Salla Sportive, Bathore

Vllaznia – Tirana                   81-63  (1-0)

(21-13, 16-17, 20-15, 25-18)

Pallati i Sportit “Qazim Dervishi”, Shkodër

14 maj 2016:

Teuta – Kamza Basket                    ora 19:00

Pallati i Sportit “Ramazan Njala”, Durrës

Tirana – Vllaznia                              ora 19:00

Salla Sportive “Fahrie Hoti”, Tiranë

18 maj 2016:

(nëse do të jetë e nevojshme)

Kamza Basket – Teuta                    ora 19:00

Salla Sportive, Bathore

Vllaznia – Tirana                              ora 19:00

Pallati i Sportit “Qazim Dervishi”, Shkodër