“Top Tirana Open 2015” në vitin e saj të 5-të ka sjellë 478 sportistë në sallën kryesore të Pallatit të Sportit “Asllan Rusi” nga 11 shtete. Në pjesën më të madhe ishin nga Greqia, pa harruar këtu klubet tona dhe të Kosovës, por kishte dhe nga Mali i Zi, Serbia, Maqedonia, Bosnjë-Hercegovina, Italia e të tjerë.

Dhe Leo Kapri, organizatori i këtij turne, që është dhe në rolin e zëvendëspresidentit të Federatës Shqiptare të Taekuondosë “World”, ka numëruar si të 11-tin edhe Izraelin. “Shikoni, – thotë Kapri, – duke ardhur dhe duke mësuar. E nëse do të përfundojë shpejt salla në parkun olimpik vitin e ardhshëm, duke parë dhe këtë numër pjesëmarrjeje, mendojmë që ta bëjmë dy ditë.”

Në këtë veprimtari, Kapri ka pasur mbi të gjitha mbështetjen e Bashkisë së Tiranës, në mënyrë të veçantë të drejtoreshës së sporteve Edera Alibegaj. Pa thënë të Komitetit Olimpik Kombëtar, por dhe të firmave si “Bosfor Design & Publicity”, “Big Market”, “Spring”, “Kapri SHPK”, “Alba Skela”, “Isoteck” dhe “PC Store”.

E të gjitha këtyre firmave organizatori i këtij aktiviteti u ka dhënë nga një “Pllakatë Mirënjohjeje”. “Ashtu sikurse ka pasur dhe “pllakatë mirënjohjeje” për Bashkinë e Tiranës në mënyrë të veçantë drejtoreshës së sporteve Alibegaj, si dhe Komitetit Olimpik Kombëtar Shqiptar”, – ka thënë Kapri