ASNN – Ndalet sërish Sopoti me një barazim me Tomorin në “Nexhip Trungu”. Ishte një lojë e nxehtë, me shumë raste të pastra nga të dyja ekipet, por ka munguar finalizimi për të dhënë golin e fitores për secilën palë. Në fraksionin e parë të lojës ishin vendësit që po sulmonin, por mbrojtja e miqëve u tregua shumë e kujdesshme.
Në të parën vetëm një rast i pastër ishte për miqtë, por portieri Leka e ka bllokuar atë top duke mos lejuar të shkundet rrjeta. Ishte Sopoti që dominoi në 45 minutat e para, por nuk u tregua i saktë para portës dhe rezultati mbetet i bardhë. E njëjta histori edhe në pjesën e dytë, me dominimin e Sopotit, por duke mos arritur tek goli.
Miqtë organizuan dy aksione të rrezikshme, por nuk arritën të mposhtin portierin librazhdas, i cili bashkë me mbrojtjen ishin heronjtë e kësaj ndeshje. Sopoti krijon raste të pastërta deri në fundin e sfidës, por sulmi nuk arrin të depërtojë aq thellë dhe të zhbllokojë rezultatin. Ndeshja mbyllet me rezultatin e bardhë pa gola 0-0 .
Sopoti – Tomori 0-0
Sopoti: Leka, Iljazi (Hajdari 60’), Kullolli (Duro 22’), Bello, Dhima, Kelmendi, Ballkoçi (Polisi 39’), Kastrati, Pinto, Lezi, Cake. Trajner: G. Stojku.
Tomori: Vashaku, Bitri, Kuçi, Bishaj, Ramazani, Sharavolli, Arbri, Myzyri (Avdo 80’), Papa (Shinko 90’+1), Uzuni, Idrizaj (Dervishi 73’). Trajner: E. Memushi.
Gjyqtarë: I. Myrtja, Gj. Bori (Shkodër), E. Malo(Lushnjë)
Karton i verdhë: Leka
