Në ndeshjen e dytë ndaj Tiranës, Studenti e ka nisur me vendosmëri të madhe lojën që në topin e parë. Ndaj në pushimin e parë teknik është në epërsi 4-8 e po kështu ka vazhduar deri në fund 10-16, 13-16, 14-20 dhe në fund 17-25.
Edhe seti i dytë është nën ritmin e lojës së Studentit, që udhëheq 6-8, 14-16, 17-21, 21-24, 22-24. Por pika e fundit nuk vjen. Barazon Tirana 24-24. Veçse vetëm kaq, sepse dy pikët e fundit në shtesë i ka shënuar Studenti. 26-24 dhe 2-0 me sete.
E ndryshe e nis Tirana setin e tretë, e cila është në pushimin e parë teknik në epërsi 8-6. Por e përmbys Studenti në 14-16, 18-21, 20-23, 21-23. Dhe vijnë dy barazime njëherazi 24-24 dhe 25-25.
Përvoja e Studentit bën të veten, ndërsa Tiranën duket se e mbërthejnë emocionet. Sërish janë kampionët ata që fitojnë në 27-25 dhe krejt ndeshjen 3-0. Një kthim restoje për Tiranën, edhe për atë humbje 0-3 që u kishte shkaktuar kampionëve në fazën e tretë po në “Fahrie Hoti” në kryeqytet.
Tirana – Studenti 0-3 (0-2)
(17-25, 24-26, 25-27)
Tirana: Xhija, Batalli, Pepa, Ndoni, Rama, Ferhati, Kasemi (L) / Lundra, Arapi, Kula, Xhabrahimi. Trajner: I. Koja
Studenti: Çali, Malaj, Gorenxa (L), L. Martiro, Kasa, Troka, Ivanov / K. Martiro, Muça, Kono, Tukseferi, Memia. Trajner: Y. Tomorri
Gjyqtarë: I. Fështi, E. Zenullari (Tiranë)
Ndihmës: E. Papamihali, A. Brokaj, A. Nurja (Tiranë), R. Ekmekçiu (Elbasan)
Kampionati Kombëtar
i Volejbollit – Meshkuj
Programi i finaleve të “play-off”-it
për titullin “kampion”
21 prill 2016:
Studenti – Tirana 3-1 (1-0)
(26-24, 23-25, 25-17, 25-19)
24 prill 2016:
Tirana – Studenti 0-3 (0-2)
(17-25, 24-26, 25-27)
27 prill 2016:
Studenti – Tirana ora 19:00
30 prill 2016:
Tirana – Studenti ora 19:00
(nëse do të jetë e nevojshme)
3 maj 2016:
Studenti – Tirana ora 19:00
(nëse do të jetë e nevojshme)
