ASNN – Pas ndeshjes të parë, të luajtur të premten në Sallën Sportive në Bathore, ku Flamurtar ka korrur fitoren e 20-të në po aq javë, të shtunën janë luajtur 3 takimet e tjera të javës në Kampionatin Kombëtar të Basketbollit të Femrave.

Goga Basket, e cila mban vendin e dytë në renditje, me 36 pikë, 4 më pak sesa Flamurtari kryesues, ka shpartalluar Skënderbeun me rezultatin e thellë 115-53, duke ruajtur largësinë prej 3 pikësh që ka nga Tirana e vendit të 3-të.

Bardheblutë kanë fituar ndaj Vllaznisë 91-78 ndaj Vllaznisë, atje ku Eliverta Bujari është bërë rekordmene. 42 për bionden bardheblu, 10 trepikësha të realizuara dhe gjithnjë një shtysë e mirë për skuadrën e Erdal Borovës kur bëhet fjalë për një sukses të garantuar.

Në takimin e fundit të javës së 20-të, Elbasani ka mundur në fushën Studentin me rezultatin 70-63, teksa vendaset u treguan më të sakta sesa mikeshat. Sidoqoftë, vajzat verdheblu mbeten në vendin e fundit në renditje.

Kampionati Kombëtar

i Basketbollit – Femra

Kategoria e Parë

Java e 20-të

(22-23 prill 2016)

Të premten:

Kamza Basket – Flamurtari              75-81

Të shtunën:

Elbasani – Studenti                           70-63

Goga Basket – Skënderbeu           115-53

Tirana – Vllaznia                                91-78

Renditja

Nr.       Skuadra                     N.        F.         H.        Psh-Pp          Pikë

1. Flamurtari                  20        20          0        1561-1251     40
2. Goga Basket             20        16          4        1729-1264     36
3. Tirana                         20        13          7        1482-1401     33
4. Vllaznia                     20        11          9        1416-1373     31
5. Kamza Basket          20          6        14        1098-1232     26
6. Skënderbeu              20          6        14        1255-1457     26
7. Studenti                     20          6        14        1141-1403     26
8. Elbasani                    20          2        18        1271-1544     22