Bardheblutë e Roland Avramit shënojnë 133 pikë ndaj Flamurtarit, atje ku 100 pikë janë shënuar prej kapitenit të kësaj skuadre, që kështu ka përmbysur rekordin që mbante Gerti Shima. Pati shënuar 91 pikë në një ndeshje me Valbonën më 2006-ën ndaj Partizanit

Flamurtari sigurisht që përballë kësaj furie të papëmbajtshme të Tiranës e ka pasur më shumë se sa të vështirë, ndonëse Kaso, Sotiri, Kollovi e Toska janë përpjekur nëpërmjet trepikëshave që ta ngushtojnë sa më shumë diferencën e humbjes, por ka qenë e pamundur.

Diferencat janë bërë të dukshme që në pjesën e parë kur Tirana ka fituar 33-15. Lasku që vazhdimisht shënon dhe Tirana nuk fal e në fund pjesën e dytë shënon shifrat 35-10, kurse në pushim rezultati shënon 68-25. Kohë e shkurtër pushimi e menjëherë nis pjesa e tretë, e cila ka të njëjtin fat, madje më të rëndë në dëm të Flamurtarit.

29-17 dhe totali shkon 97-42. 36-26 është pjesa e katërt, kurse në përfundim Tirana ka fituar 133-68, që shënon njëkohësisht edhe rezultatin më të thellë të këtij sezoni. Përfundimisht me një Tiranë të furishme dhe me një Lask tashmë rekordmen tek bardheblutë ka festë.

Ndoshta kjo fitore do të shërbejë si frymëzim për bardheblutë për të vazhduar me këtë forcë, sidomos kur të vijë “play-off”-i për titull “kampion”. Sepse për hir të së vërtetës Tirana në javët e fundit ndaj Vllaznisë, Teutës dhe Kamza Basket nuk ka qenë e tillë. Por dje skuadra e Avramit ka qenë e papërmbajtshme.

Tirana – Flamurtari               133-68

(33-15, 35-10, 29-17, 36-26)

Tirana: Lasku (100), Vogli (7), Hasani (7), Gjyzeli (13), Hysa (2) / Vaqarri (2), Mara (2), Koko. Trajner: R. Avrami

Flamurtari: Sotiri (8), Kaso (24), Kollovi (20), Beko (2), Toska (9) / Todi, Gani (5). Trajner: V. Birçaj

Gjyqtarë: J. Gokaj, H. Trajer (Shkodër), O. Kasmi (Tiranë)

Kampionati Kombëtar

i Basketbollit – Meshkuj

Superliga

Java e 18-të

(15-16 prill 2016)

Të premten:

Kamza Basket – Partizani                77-69

Të shtunën:

Tirana – Flamurtari                          133-68

Vllaznia – Teuta                                  89-68

Renditja

Nr.       Skuadra                     N.        F.         H.        Psh-Pp          Pikë

1. Kamza Basket          18        16          2        1306-1076     34
2. Vllaznia                     18        14          4        1303-1121     32
3. Tirana                         18        12          6        1401-1173     30
4. Teuta                          18          8        10        1324-1285     26
5. Flamurtari                  18          3        15        1005-1463     21
6. Partizani                    18          1        17        1101-1312     19