ASNN – Edhe Kategoria e Parë e Kampionatit Kombëtar të Basketbollit për Femra ka mbyllur dje ndeshjet e javës së saj të 19-të. Takimi i parë i kësaj jave u luajt të premten dhe Goga Basket e trajnerit Astrit Greva dhe ndihmësit të tij, Vladimir Xheka, ka treguar edhe një herë tjetër se nuk ka mëshirë për asnjë kundërshtar.

Madje të njëjtën gjë ka bërë edhe dje pasdite ndaj Studentit në Pallatin e Sportit “Asllan Rusi”, ku skuadra durrsake i ka dominuar të gjitha pjesët e lojës, të cilat i ka fituar përkatësisht 19-28, 11-21, 8-23 dhe 8-28. E në total 46-100 dhe një fitore bindëse e Goga Basket.

Takimet e tjera të kësaj jave janë luajtur dje dhe Flamurtari ka pritur Vllazninë, në ndeshjen e luajtur paradreke. Në fakt, ka qenë një fitore pa shumë mund për Flamurtarin, që vijon të mos njohë asnjë rezultat tjetër këtë sezon dhe që ka triumfuar me shifrat 88-60, duke aktivizuar edhe lojtaret e reja.

Kamza Basket është ndeshur në shtëpi me Elbasanin, në takimin që nisi në ora 13:00 dhe skuadra vendase është rikthyer tek fitorja, teksa ka mundur lehtësisht Elbasanin. Mbështetur fort tek kapitenia Aida Vata, por dhe tek Gridi Sokolin, më pas Ymeri, Memçaj e Matka, Kamza Basket fiton me shifrat 84-51.

Ndërkohë, Tirana ka qenë mysafire në Korçë, ku është përballur me Skënderbeun, në sfidën që nisi në ora 17:00. Vajzat bardheblu kanë fituar në vizitën e Korçës e duke përfituar nga hapi fals i Vllaznisë në Vlorë, tashmë janë në vendin e tretë. Skuadra e trajnerit Erdal Borova e ka dominuar ndeshjen që nga fillimi, duke fituar 62-82.

Kampionati Kombëtar

i Basketbollit – Femra

Kategoria e Parë

Java e 19-të

(15-16 prill 2016)

Të premten:

Studenti – Goga Basket                  46-100

Të shtunën:

Flamurtari – Vllaznia                       88-60

Kamza Basket – Elbasani              84-51

Skënderbeu – Tirana                      62-82

Renditja

Nr.       Skuadra                     N.        F.         H.        Psh-Pp          Pikë

1. Flamurtari                  19        19          0        1480-1176     38
2. Goga Basket             19        15          4        1614-1211     34
3. Tirana                         19        12          7        1391-1323     31
4. Vllaznia                     19        11          8        1338-1282     30
5. Kamza Basket          19          6        13        1023-1151     25
6. Skënderbeu              19          6        13        1202-1342     25
7. Studenti                     19          6        13        1078-1333     25
8. Elbasani                    19          1        18        1201-1481     20