ASNN – Vera po vjen dhe, me Evropianin e Francës në horizont, mullinjtë e merkato pritet të punojnë me Menaxheri i Elseid Hysajt, Mario Xhufredi, u ka bërë ftesë publikisht drejtuesve të Napolit që të ulen në tavolinën e bisedimeve për të rinovuar kontratën e klientit të tij.

Xhufredi iu ka kujtuar drejtuesve se mbrojtësi shqiptar është i lumtur në skuadrën napolitane, por duhen rishikuar termat financiarë. “Hysaj ndihet shumë mirë te Napoli dhe do të dëshironte të qëndronte, por duhet rishikuar aspekti financiar. Në fund të kampionatit do të gjejmë një zgjidhje.”

Ndërkohë, ditë më parë, ai paralajmëroi se Hysaj edhe mund të largohet, me skuadra si Atletiko e Madridit dhe Çellsi, të cilat po e vëzhgojnë prej vitesh. “Unë e them gjithmonë se kur një futbollist dëshiron të provojë aftësitë e tij, duhet të kalojë te Napoli”, – deklaroi para pak kohësh menaxheri i Hysajt.

“Nëse paraqitesh mirë në këtë skuadër, do të thotë se je gati të luash në çdo vend të botës”, – ka përfunduar Xhufredi.