Shqipëria e peshëngritjes ka dështuar totalisht në Kampionatin Evropian të të rriturve në Fjorde të Norvegjisë, që ishte dhe kualifikues për në Lojërat Olimpike “Rio de Zhaneiro 2016”. Ishte shansi i fundit dhe si i tillë me një përgatitje gati dymujore jo vetëm në Shtërmen, por dhe në Tiranë, Shqipëria pretendonte. Por si asnjëherë tjetër, tanët kanë dështuar.

Pas Evangjeli Velit, e cila zuri vendin e pestë në dygarësh në peshën 53 kg për femra, dhe pas Briken Caljes, i cili nuk realizoi asnjë provë në stilin e shtytjes në peshën 69 kg, një fat i tillë i ka qëlluar shkodranit Erkand Qerimaj. Sigurisht që e ka pasur të vështirë përballë dy armenëve Karapetian dhe Martirosian, të cilën në shkëputje e kanë nisur me 160 kg dhe 165 kg, apo dhe përballë polakut Zarmiak, i cili e filloi garën me 154 kg.

Por gjithsesi mund të ishte në katërshe nëse nuk do të kishte pasur probleme. Nuk ka mundur të realizojë dy herë peshën 153 kg e më pas 154 kg dhe kësisoj nuk është klasifikuar në dygarësh. Parë kështu është tërhequr nga konkurrimi i tij në stilin e shtytjes, sepse edhe po të merrte medalje do të ishte thjesht individuale, por që nuk do të ngrinte peshë në atë që kishte si qëllim peshëngritja shqiptare.

Kampionati Evropian i Peshëngritjes

Për Të Rritur & Të Rritura

Norvegji 2016

Rezultatet teknike të peshës 77 kg

Shkëputje

1)         Andranik Karapetian (Armeni)      170 kg

2)         Tigran Martirosian (Armeni)           160 kg

3)         Dumitru Kaptari (Rumani)              156 kg

ERKAND QERIMAJ (SHQIPËRI)             ———-

Shtytje

1)         Andranik Karapetian (Armeni)      197 kg

2)         Tigran Martirosian (Armeni)                       192 kg

3)         Dumitru Kaptari (Rumani)              192 kg

ERKAND QERIMAJ (SHQIPËRI)             ———-

Dygarësh

1)         Andranik Karapetian (Armeni)      367 kg

2)         Tigran Martirosian (Armeni)           352 kg

3)         Dumitru Kaptari (Rumani)              348 kg

ERKAND QERIMAJ (SHQIPËRI) ———-