Shqipëria e futbollit të femrave është mbajtur fort në ndeshjen e saj të gjashtë kualifikuese për Kampionatin Evropian “Holandë 2017”. Ka pësuar vetëm dy gola nga Ukraina, por humbja nuk është shmangur. E gjashta radhazi, vetëm tre gola të shënuar dhe 22 të pësuar, e duke i shtuar dhe një humbje 1-3 në miqësoren ndaj Kosovës në Elbasan do të thotë se gjendja e kësaj kombëtareje është pa kthim.
Gjendje e vështirë, pa asnjë dritë në fund të tunelit, ndërsa duket se do të duhen shumë vite për të bërë ne një kombëtare cilësore. Por dhe atëherë të tjerët do të kenë ecur përpara e ne me hapat e “breshkës”, teksa sot duket se na mundin të gjithë, përsëri nuk do të jemi rivalizues. Duke mbetur tek ndeshja është luajtur në një temperaturë normale për muajin prill, 19 gradë celsius, në një kohë më shumë të vranët se sa me diell.
Vajzat kuqezi e kanë nisur me sulm, teksa Seranaj në të 3-ën minutë ka gjuajtur jashtë. Në minutën e 8-të është kundërpërgjigjur Pekur dhe Zani ka pritur. Boiçenko në të 13-tën ka paralajmëruar golin, teksa ka pritur Zani, që nuk ka mundur të bëjë asgjë në gjuajtjen e Apanasçenkos vetëm dy minuta më pas, duke shënuar. Ukrainaset ushtrojnë presion, por dhe gabojnë në gjuajtjet e tyre duke mos e gjetur shënjestrën e duhur.
Dhe vetëm në minutën e 43-të, vendëset me anë të Romanenkos kanë qenë pranë golit, që është devijuar nga pritja e Zanit. Në pjesën e dytë ukrainaset kanë një epërsi të lehtë, ndërsa vetëm në të 71-ën minutë vjen një gjuajtje për skuadra e Rrakllit, me anë të Lulajt, që sidoqoftë, përfundon jashtë. Në minutën e 74-t, Ukraina ka fituar një 11-metërsh, pas pengimit të Khimiçit nga Rrahmani.
Dhe Apanasçenko nuk ka gabuar, duke dhe golin e dytë për vendëset dhe duke sigluar realizuar një dygolësh personal. Apanasçenko në të 77-ën dhe Khimiç në të 8-ën kanë pasur mundësi për të shënuar, por ka pritur Zani. Përfundimisht 2-0 për Ukrainën, kurse vajzat kuqezi nuk kanë shpëtim më në këtë grup “ferri”, ku mbeten të fundit në renditje, me asnjë rezultat pozitiv.
Ukrainë – Shqipëri 2-0
Shënues: Apanaçenko 14’, 74’(11-m.)
E premte, 8 prill 2016, ora 17:00
në stadiumin “Arena Lvov”
Ukraina: Samson, Filenko, Pekur, Boiçenko, Andruhiv (Khimiç 66’), Romanenko (Ovdijçuk 86’), Andrushçak, Apanasçenko, Vasiljiuk, Kozirenko (Kalinina 46’), Kravets. Trajner: V. Reva
Shqipëria: Zani, Proto, Rrahmani, Maliqi, Serenaj (Rama 70’), Morina, Velaj (Kurbogaj 90’+3), Hashani, Bajraktari, Zeka (Lulaj 32’), Begolli. Trajner: A. Rraklli
Gjyqtare: T. Subotiç, H. Malasaviç, P. Sever (Sllovaki)
Kartonë të verdhë: Kozirenko / Proto, Velaj
Kampionati Evropian
i Futbollit – Femra
Eliminatoret
Grupi 3
Renditja
Nr. Skuadra N F B H Gsh-Gp Pikë
- Franca 5 5 0 0 16-0 15
- Ukraina 5 3 1 1 11-6 10
- Rumania 5 2 1 2 8-7 7
- Greqia 5 2 0 3 9-12 6
- Shqipëria 6 0 0 6 3-22 0
