ASNN – Mesfushori kosovar i Mançester Junajtid, Adnan Januzaj raportohet se ka pësuar një tjetër dëmtim.
Lojtari i krahut pësoi javën e kaluar zgjatje të muskujve gjatë ndeshjes me Çellsin me skuadrën e Nën-21-vjeçarëve ndërsa mediet angleze sot raportojnë se ai ka pësuar një tjetër dëmtim.
Januzaj u rikthye gjatë janarit nga huazimi te Borusia e Dortmundit, por dështoi të gjejë një vend në formacionin e “Djajve të kuq”.
Kjo pasi trajneri Luis van Gaal ishte shprehur i pakënaqur me sjelljet e futbollistit kosovar me pasaportë belge.
Mosmarrëveshjet e Januzajt me menaxherin holandez kanë nisur raportimet se, në fund të këtij sezoni, Mançester Junajtid do ta shesë mesfushorin shqiptar.
