ASNN – Mediat britanike shkruajnë se skuadra e Aston Vilës po projekton zëvendësin e trajnerit Remi Garde dhe shqiptari Besnik Hasi është një ndër emrat e favorizuar. Suksesi që ka arritur në Belgjikë në krye të stolit të një klubi të madh si Anderlehti, e ka bërë kështu Hasin kandidat për trajner të një tjetër klubi të njohur në Premier Ligë.

Suksesi që ka arritur në Belgjikë në krye të stolit të një klubi të madh si Anderlehti, e ka bërë Besnik Hasin kandidat për trajner të një tjetër klubi të njohur në Premier Ligë, siç është Aston Vila. Mediat britanike shkruajnë se skuadra në fjalë po projekton zëvendësin e trajnerit Remi Garde dhe shqiptari është një ndër emrat e favorizuar.

“Hasi është propozuar si emër suprizë dhe shihet si drejtues i mundshëm i Aston Vilës”, – shkruan e përditshmja “Daily Mail”, e cila bën një paraqitje të shkurtër të arritjeve të Hasit te skuadra e Anderlehtit. Stiv Brusi dhe Toni Pulis janë dy emra të tjerë që janë përfolur për drejtimin e skuadrës angleze.

Ndërsa më së fundi ka dalë në sipërfaqe edhe emri i ish-trajnerit të Evertonit dhe Mançester Junajtid,  David Mojesi. Sidoqoftë, emri i Hasit duket se është më i favorizuar, por mbetet për t’u parë sesi do të mbyllet sezoni i kampionatit belg, ku Anderlehti është në “play-off”-in final për titullin.