Të rinjtë, në fazën më delikate të garës. Superiori, Vllaznia, Real Basket, Virtus Tirana, Tirana dhe Teuta do të vijojnë në fazën e tretë me vajtje-ardhje duke ruajtur pikët e deritanishme për të nxjerrë më pas katër skuadrat e “play-off”-it. Basketbolli i moshave ka vijuar me kampionatin e paratërinjve në grupin A dhe C, me paratërejat, por dhe me të rinjtë në grupin A dhe B.
Pikërisht tek të rinjtë kampionati ka hyrë tashmë në fazën më delikate, sepse janë përcaktuar tre skuadrat e çdo grupit të cilët do të luajnë me vajtje-ardhje në fazën e tretë. Bëhet fjalë për Superior Klima, Vllazninë dhe Real Basket nga grupi A, si dhe për Virtus Tiranën, Tiranën dhe Teutën nga grupi B.
Mbi bazën e rregullores së përcaktuar nga Federata Shqiptare e Basketbollit të gjitha këto skuadra do të ruajnë pikët e grumbulluara deri më tani, si dhe nuk luajnë me njëra-tjetrën duke mbartur rezultatet e ndeshjeve që kanë arritur në dy fazat e para në grupet ku kanë qenë.
Për t’u evidentuar është fakti se dy kanë qenë fitore tepër interesante. Bëhet fjalë për fitoren e Real Basket ndaj Apolonisë, 65-58 dhe skuadra e Maks Kristos ka marrë të drejtën për të shkuara në fazën e tretë. Sikurse dhe fitorja e Virtus Tiranës së Juxhin Talellit ndaj Tiranës, 63-51, dhe kjo skuadër është kryesuese e grupit B.
Të gjitha sukseset e tjera të Superiorit ndaj Kamza Basket, Elbasanit ndaj Partizanit, Vllaznisë ndaj Goga Basket, Teutës ndaj Ardhmërisë dhe Skënderbeut ndaj Galaktikëve kanë qenë brenda normalitetit të garës, pavarësisht se disa nga këto skuadra kanë qenë të detyruar t’i thonë lamtumirë garës së kampionatit.

Kampionati Kombëtar
i Basketbollit – Të Rinjtë

Grupi A

Java e 14-të
(27 mars 2016)

Goga Basket – Vllaznia 31-56
Real Basket – Apolonia 65-58
Elbasani – Partizani 49-44
Kamza Basket – Superior Klima 56-82

Renditja
Nr. Skuadra N. F. H. Psh-Pp Pikë
1. Superiori 14 13 1 1255-730 27
2. Vllaznia 14 12 2 991-604 26
3. Real Basket 14 10 4 906-854 24
4. Apolonia 14 9 5 808-701 23
5. Partizani 14 5 9 653-874 19
6. Elbasani 14 4 10 718-851 18
7. Kamza Basket 14 3 11 642-953 17
8. Goga Basket 14 0 14 622-1019 14

Grupi B

Java e 14-të
(27 mars 2016)

Virtus Tirana – Tirana 63-51
Teuta – Ardhmëria Basket 68-61
Skënderbeu – Galaktikët 63-51
Invadersi pushim

Renditja
Nr. Skuadra N. F. H. Psh-Pp Pikë
1. Tirana 12 11 1 853-530 23
2. Virtus Tirana 12 11 1 748-475 23
3. Teuta 12 7 5 720-657 19
4. Skënderbeu 12 6 6 572-590 18
5. Ardhmëria Basket 12 4 8 563-688 16
6. Galaktikët 12 3 9 536-729 15
7. Invaders 12 0 12 448-747 12