Ish-gjyqtari turk, Umit Sokullu, ka treguar se nuk kishte ardhur për të vlerësuar gjyqtarët shqiptarë, por se eksperiencën e tij kërkon t’ua jepte atyre që të ecin përpara. “Në emër të Federatës të Volejbollit të Turqisë më duhet të falënderoj presidentin dhe sekretarin e Federatës Shqiptare të Volejbollit, sepse kemi qenë shumë të afërt dhe të sinqertë me njëri-tjetrin, – ka thënë ai gjatë konferencës së djeshme për shtyp. Presidenti ynë duke parë këtë vizion të shqiptarëve na kërkoi që të gjithë eksperiencën tonë ta ndajmë me shqiptarët.”
Sokullu ka shpjeguar edhe një herë tjetër se erdhën në Tiranë për të sjellë eksperiencën e tyre, që është shumë e rëndësishme për nivelin e gjykimit, ndërsa volejbolli është duke u zhvilluar në botë me hapa të shpejtë. “Më duhet të them se për dy ditë ato që shpjeguan u interpretuan dhe u zbatuan me përpikëri, – ka vijuar ish-gjyqtari turk. – Ne nuk erdhëm për të vlerësuar, por për të mbështetur gjyqtarët shqiptar që të ecin përpara. Ishte shkëmbin përvoje. Mos harroni që në Turqi numri i ndeshjeve është shumë më i madh se në Shqipëri.”
“Vetëm në Stamboll janë 1,5000 ndeshje të luajtura, kurse në nivelin e lartë të Turqisë 2,500 ndeshje, – ka theksuar ai. – Është një kampionat që luajnë nga e gjitha bota dhe e gjithë kjo është eksperiencë për gjyqtarët,” Ndërkohë Sokullu ka treguar se në Tiranë e kanë parë veten si në shtëpinë e tyre. “Më duhet të them se me Konalsi Gjokën jemi miq të vjetër edhe sepse kemi gjykuar bashkë, – ka rrëfyer ai. – Interesimi ishte i madh dhe na tërhoqi vëmendjen mënyra e pyetjeve që bënin gjyqtarët tuaj. Ky është vetëm fillimi, sepse bashkëpunimi në volejboll mes Shqipërisë dhe Turqisë do të vazhdojë.”
