ASNN – Skënderbeu në basketboll për meshkuj ka fituar “derbin” e fundit të renditjes për nivelin e dytë të Kampionatit Kombëtar të Basketbollit për Meshkuj, që njihet si Kategoria e Parë, teksa dje ka mundur në Korçë ekipin privat, Tirana Eagles në një ndeshje me emocione deri në sekondat e fundit. Deri përpara këtij takimi në 11-të javë Skënderbeu dhe Tirana Eagles mbyllnin tabelën me nga një fitore.

Ndërkohë që pas ndeshjes së mbrëmshme korçarët janë ngjitur në kuotën e 14-të pikëve duke lënë prapa në vendin e fundit Eagles me 13-të pikë. Pjesa e parë ka qenë më e mirë për miqtë, që kryesojnë nga fillimi në fund dhe fitojnë me 5 pikë diferencë, 12-17. Në pjesën e dytë vendasit luajnë më mirë dhe rezultati përpara se skuadrat të futeshin në dhomat e zhveshjes është 33-34 në favor të miqve.

Pjesa e tretë duket se ka qenë vendimtare për korçarët, që me anë të Habipit luajnë më saktë dhe e fitojnë këtë pjesë 18-13 dhe rezultati pas 30-të minutash është 51-47 për Skënderbeun. Në 10 minutat e fundit loja është vërtet dramatike teksa tre minuta nga fundi Skënderbeu kryeson 58-47, por kjo nuk mjafton. Janë miqtë që me anë të gjuajtjeve për tre pikë arrijnë të afrohen ndjeshëm.

Por Skënderbeu është më i saktë në gjuajtjet e lira në sekondat e fundit dhe krejt ndeshja mbyllet 63-61 për korçarët.

Skënderbeu – Tirana Eagles          63-61

(12-17, 21-17, 18-13, 12-14)

Skënderbeu: Thanas (7), Simaku (8), Habip (24), Topi (6), Duci (16) / Gërmenji (2), Bala, Gj. Nika, Terolli, J. Kristo, I. Kristo, Qazimllari. Trajner: I. Nika

Tirana Eagles: Prodani (8), Tufa (15), Çaçi (15), Zelaj (8), Kala (11) / J. Dashi (2), Adili (2), Tice, Skëndaj, Xhemali, Hasa, Nallbani. Trajner: J. Dashi

Gjyqtarë: O. Kasmi. Y. Harasani (Tiranë)

Kampionati Kombëtar

i Basketbollit – Meshkuj

Kategoria e Parë

Java e 15-të

(25-26 mars 2016)

Të premten:

Ardhmëria Basket – Elbasani                    72-47

Superiori                                                        pushim

Të shtunën:

Skënderbeu – Tirana Eagles                     63-61

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket    12        10          2        868-607         22
2. Superior                     12          9          3        871-645         21
3. Elbasani                    12          8          4        899-786         20
4. Skënderbeu              12          2        10        660-840         14
5. Tirana Eagles           12          1        11        588-881         13