Tirana në volejboll për meshkuj është rikthyer tek fitorja pas 6 humbjeve radhazi, katër në kampionat dhe dy në Kupën e Shqipërisë. Por në fakt dhe ka bërë eksperimente, sidomos në setin e tretë, atje ku i është dashur punë e madhe për ta përmbysur epërsinë e elbasanasve. Madje nëse do të kishin pasur më tepër forcë mund dhe ta kishin futur ndeshjen në disa situata të tjera, që mund të shkaktonin një krizë tek kryeqytetasit.

Elbasani i Fisnik Lushnjarit e ka nisur ndeshjen sikur të kishte ardhur sa për të kaluar radhën. Tirana shkëputet që në fillim në setin e parë 8-2, 16-9 dhe në fund 25-16. E njëjta situatë edhe në setin e dytë 8-4, 12-6, 16-7 dhe 25-11. Por Tirana hutohet dhe Elbasani përfiton që shkëputet 3-8, 7-12, 11-15. Këtu fiket Elbasani, ndërsa Tirana kthen në 16-15, 20-19. Edhe një herë tjetër Elbasani që përmbys 21-23, por në fund Tirana fiton 25-23 dhe krejt ndeshjen 3-0.

Pikëshënuesi më i mirë i ndeshjes është Klodian Ferhati i Tiranës me 16 pikë i ndjekur nga Çullhaj i Elbasanit me dhjetë pikë. Në bllok ka dalë fitues Pepa i Tiranës me 5 mure fituese i pasuar nga Batalli i Tiranës me dy mure fituese. Në shërbim është fitues Batalli i Tiranës dhe Tollumi i Elbasanit me dy të tilla. Në total Tirana në tre sete ka shënuar 75 pikë, teksa 53 pikë i ka realizuar vetë, kurse 22 pikë kanë ardhur nga gabimet e Elbasanit.

Në krahun tjetër Elbasani në tre sete ka shënuar 50 pikë prej të cilave 35 pikë vetë, kurse 15 pikë kanë ardhur nga gabimet e bardhebluve. Në përfundim, Tirana ka fituar edhe duke eksperimentuar shumë.

Tirana – Elbasani     3-0

(25-16, 25-11, 25-23)

Tirana: Pepa, Xhija, Ferhati, Kula, Rama, Batalli, Kasemi (L) / Arapi, Kupi, Lundra. Trajner: I. Koja

Elbasani: Çeta, Tollumi, Gashi (L), Kallajxhiu, Agushi, Çullhaj, Daka / Bakiri. Trajner: F. Lushnjari

Gjyqtarë: R. Omari, K. Agolli (Tiranë)

Kampionati Kombëtar

i Volejbollit – Meshkuj

Java e 15-të

(16 mars 2016)

Teuta – Skënderbeu                       3-0

Tirana – Elbasani                            3-0

Vllaznia – Farka Volej                     2-3

Studenti                                             pushim

Renditja

Nr.       Skuadra         N.        F.         H.        Setet               Pikë

1. Studenti         12        10          2        32-13              28
2. Vllaznia         13          9          4        31-20              27
3. Tirana             13          8          5        29-17              26
4. Farka Volej    13          8          5        28-20              23
5. Teuta              13          8          5        29-22              23
6. Skënderbeu  13          2        11          9-34                6
7. Elbasani        13          0        13          7-39                2