Skënderbeu në basketboll për femra pa titullaren e vet kryesore Eda Llazari ka filluar rënien e lirë prej disa javësh edhe për atë se kjo lojtare ka pësuar një dëmtim në gju kur ishte pjesë e grumbullimit të kombëtares dhe tashmë pret nga momenti në momenti t’i hyjë “bisturisë”. Pa këtë lojtare në formacion, që ka një mesatare prej mbi 30 pikësh për ndeshje, Skënderbeu nuk ka arritur të ndalë dje as Vllazninë në Pallatin e Sportit “Tamara Nikolla” të Korçës.

Korçaret kanë rezistuar vetëm në dy pjesët e para, teksa humbnin me vetëm 4 pikë diferencë. Por pas pushimit lëshojnë totalisht dhe humbasin krejt ndeshje me 33 pikë diferencë. Sigurisht një meritë të veçante kanë pasur edhe vajzat shkodrane, që kanë zhvilluar një ndeshje vërtetë të mirë. Pjesa e parë është e bukur nga fillimi deri në fund, teksa miket kryesojnë në fund, me vetëm një pikë diferencë 13-14. Edhe pjesa e dytë ka pasur rivalitet.

Korçaret përpiqen më shumë të rikuperojnë me gjuajtje për 3 pikë, ndërkohë që shkodranet nga distanca prej dy pikësh. 28-32 në favor të shkodraneve shënon tabela përpara se ekipet t’i drejtohen dhomave të zhveshjes, ndërkohë që dy pjesët e fundit sjellin në parket një Vllazni që nuk fal. 11-23 do të fitonin shkodranet pjesën e tretë, ndërkohë që edhe në pjesën e katërt diferenca thellohet edhe më shumë.

Në 10 minutëshin e fundit Skënderbeu shënon vetëm 9 pikë dhe shkodranët 26 pikë. 48-81 është rezultati përfundimtar në favor të Vllaznisë.

Skënderbeu – Vllaznia        48-81

(13-14, 15-18, 11-23, 9-26)

Skënderbeu: Doja (5), El. Papa (20), S. Papa (4), Gjika (17), Haris / Toska (3), Pëllumbi, Aliu, Shallo, Hysenllari. Trajner: Em. Papa

Vllaznia: I. Dashja (23), Mustafa (6), Basha (15), Berranija (33), Çoçja / A. Dashja (4), Kraja, Berhani, Karajfili, Lisi. Trajner: R. Rasha

Gjyqtarë: Y. Harasani, A. Bejko (Tiranë)

Kampionati Kombëtar

i Basketbollit – Femra

Kategoria e Parë

Java e 14-të

(11-12 mars 2016)

Të premten:

Studenti – Kamza Basket     65-53

Të shtunën:

Flamurtari – Tirana                77-67

Goga Basket – Elbasani     106-67

Skënderbeu – Vllaznia         48-81

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  14        14          0        1071-830       28
2. Goga Basket             14        10          4        1117-909       24
3. Tirana                         14          9          5          999-961       23
4. Vllaznia                     14          8          6          975-934       22
5. Skënderbeu              14          6          7          929-986       20
6. Studenti                     14          5          9          787-935       19
7. Kamza Basket          14          4        10          735-837       18
8. Elbasani                    14          0        14          789-1047     14