ASNN – Sipas asaj që raportojnë mediat kosovare, Ekipi i Pejës në basketboll për meshkuj, ka rikthyer në radhët e tij basketbollistin kroat, Teo Simoviç. Qendra kroate, do të luajë me verdhezinjtë edhe këtë sezon.
Klubi pejan ka rikthyer atë në radhët e veta për ta pasur jo vetëm për veprimtaritë kombëtare në Kosovë, por dhe për Ligën Ballkanike, atje ku Peja në dy ndeshje ka fituar një dhe ka humbur të martën me dy pikë, 84-86, me malazezët e Sutjeskës së Nikshiqit.
Sipas një njoftimi të publikuar në faqen zyrtare të klubit: “Lojtari i cili vitin e kaluar shfaqi lojëra shumë të mira, por fatkeqësisht u dëmtua në ndeshjen kundër Bashkimit në “play-off”, rikthehet përsëri në ekipin tonë pas kalimit të lëndimit”.
