ASNN – Pas meshkujve, edhe Kupa e Shqipërisë për femra po zhvillon fazën e saj finale dhe në betejën e fundit për trofeun e dytë të volejbollit shqiptar,  do të vihen përballë njëra-tjetrës Barleti Voleji dhe Tirana.

Të dyja skuadrat, në ndeshjet e tyre gjysmëfinale që janë zhvilluar dje dhe nuk kanë zgjatur më shumë sesa një orë secila, kanë fituar me të njëjtin rezultat 3-0, përkatësisht ndaj Vllaznisë dhe Teutës.

Ndeshja finale, që është në fakt një përballja e rivalëve të përhershëm të 10-vjeçarit të fundit, do të luhet sonte, duke nisur nga ora 17:00, në Pallatin e Sportit “Asllan Rusi” në kryeqytet.

Kjo finale do të sillet për sportdashësit drejtpërdrejt dhe ekskluzisht nga Rrjeti i Radio-Televizionit Shqiptar, në kanalin e dytë të TVSH-së dhe në kanalin RTSH Sport të platformës dixhitale.

Kupa e Shqipërisë

Volejboll – Femra

Kalendari i fazës finale:

(11-12 mars 2016)

Të premten:

Barleti Volej – Vllaznia        3-0

Tirana – Teuta                      3-0

Të shtunën:

Për vendet 3-4:

Vllaznia – Teuta                    ora 15:00

Finalja:

Barleti Volej – Tirana            ora 17:00