Evangjeli Veli përmirëson dy rekorde kombëtare në stilin e shkëputjes në peshën 53, rekorde që mbaheshin prej dhjetë vjetësh nga Fetije Kasaj. Nga 82 kg në 83 kg dhe më pas në 86 kg. Në përgjithësi, garë bindëse sidomos nga elementët e ekipit kombëtar të peshëngritjes.

Tirana është fituese e dyfishtë e Kupës së Shqipërisë në peshëngritje, si për të rritur, ashtu dhe për të rritura, ndërsa gjithçka është zhvilluar dje në sallën kryesore të Pallatit të Sportit “Asllan Rusi”. Një garë pozitive dhe bindëse e elementëve përbërës të ekipit tonë kombëtar, që është duke u përgatitur në Shtërmen, atje ku premton medalje në Kampionatin Evropian të Të Rriturve në prill.

Gjithsej kanë qenë 14 ekipe, 11 meshkuj dhe tre femra që kanë garuar në këtë Kupë të Shqipërisë. E ato që kanë konkurruar ishin Tirana (meshkuj + femra), Teuta, Shtërmeni, Skënderbeu (meshkuj + femra), Vllaznia, Flamurtari, Tomori, Elbasani, Apolonia, “Masglass”, Lushnja dhe Partizani.

E për plot tetë orë, gara e peshëngritjes, sidomos ajo e peshës 77 kg, 85 kg, 94 kg, 105 dhe mbi 105 kg për meshkuj, i ka mbajtur të gjithë të mbërthyer në Pallatin e Sportit “Asllan Rusi” në kryeqytet. Pse jo dhe përpara ekranit, ndërsa gara është transmetuar nga “TeleSport”-i.

Kupa e Shqipërisë në Peshëngritje

Rezultatet teknike:

Femra                                                                         Shkëp                        Shtyt               Dygarësh

Pesha 48 kg  Ana Jovani (Skënderbeu)              55 kg              65 kg              120 kg

Pesha 53 kg  Evangjeli Veli (Partizani)                86 kg              105 kg            191 kg

Pesha 58 kg  Besjana Koni (Tirana)                     40 kg              49 kg            89 kg

Pesha 75 kg  Manjola Karaj (Partizani)                55 kg              65 kg            120 kg

Pesha +75 kg           Besarda Kollozi (Tirana)     62 kg              70 kg            132 kg

Si ekip: Tirana 272 pikë

Sportistja më e mirë: Evangjeli Veli (Partizani)   288.1 pikë

Meshkuj

Pesha 56 kg  Roald Kuqja (Shtërmeni)                72 kg            90 kg            162 kg

Pesha 62 kg  Romario Avdiraj (Tirana)                 110 kg            135 kg            245 kg

Pesha 69 kg  Edison Nelaj (Tirana)                      120 kg            147 kg            267 kg

Pesha 77 kg  Briken Calja (Shtërmeni)                147 kg            185 kg            332 kg

Pesha 85 kg  Erkand Qerimaj (Vllaznia)              157 kg            195 kg            352 kg

Pesha 94 kg  Endri Karina (Elbasani)                  162 kg            190 kg            352 kg

Pesha 105 kg Aleks Kaçani (Skënderbeu)         135 kg            165 kg            300 kg

Pesha +105 kg         Edison Elmazi (Flamurtari)            151 kg            175 kg            326 kg

Si ekip: Tirana 532 pikë

Sportisti më i mirë: Erkand Qerimaj (Vllaznia) 434.01 pikë