ASNN – Disfata e pestë e kuqezinjve të Rrakllit, ndërsa numri i golave të pësuar shkon në 20 gola, kurse të shënuarat mbesin në tre. Përfundimisht mbeten të fundit në grup dhe me zero pikë. Që në minutat e para të lojës vihet re një epërsi e mikeshave nga Ukraina, të cilat mbyllin në zonë e rreptësisë kombëtaren shqiptare. Shkëndija e parë e lojës vjen që në minutën e 5-të, kur Apanaçenko futet në zonë, por bllokohet më pas gjuajtja e saj.
Në të 13-ën minutë kemi një 11-metërsh për ukrainaset pas një pengimi në zonë dhe nga pika e bardhë është pikërisht Apanaçenko që nuk gabon dhe i dërgon shifrat në 0-1. Vijon edhe pas epërsisë i njëjti ritëm, me vazjat kuqezi që mbrohen dhe miqtë që luajnë në sulm dhe në minutën e 30-të shënojnë edhe të dytin. E lirë në zonën e rreptësisë, Kozirenko godet qetësisht dhe i dërgon shifrat në 0-2.
Të pafuqishme vajzat kuqezipër të rrezikuar, por gjithsesi ia dalin që të mos pësojnë më shumë në pjesën e parë. Nuk ka histori as kjo pjesë e dytë e lojës, sepse vajzat shqiptare vijojnë të qëndrojnë në mbrojtje dhe porta që mbrohet nga Zani kthehet në një tabelë “qitjeje”, aq sa për minuta të tëra mbron me fanatizëm portën. Mirëpo, në të 67-ën trefishohen shifrat, kësaj here i takon Bajraktarit të shënojë në portën e saj, teksa nuk largon siç duhet topin nga zona dhe devijimi i saj është fatal.
Gjithçka duket e përfunduar, në një ndeshje ku dominimi ka qenë tërësisht nga ukrainaset. Për të hipotekuar fitoren është Kravets që shënon në minutën e 84-t, teksa fillimisht topi u grushtua nga Zani dhe me portën bosh nuk e ka të vështirë për të shënuar. Minutat e mbetura të lojës nuk sjellin një ndryshim rezultati, edhe pse rastet për ukrainaset nuk munguan.
Kampionati Evropian
i Futbollit – Femra
Renditja e grupit 3 të Eliminatoreve
Nr. Skuadra N. F. B. H. Gsh-Gp Pikë
- Franca 4 4 0 0 15-0 12
- Rumania 4 2 1 1 8-6 7
- Greqia 4 2 0 2 8-9 6
- Ukraina 3 1 1 1 6-5 4
- Shqipëria 4 0 0 4 3-20 0
Ndeshjet e luajtura:
22 shtator 2015 Francë – Rumani 3-0
22 tetor 2015 Shqipëri – Greqi 1-4
22 tetor 2015 Ukrainë – Rumani 2-2
27 tetor 2015 Rumani – Shqipëri 3-0
27 tetor 2015 Ukrainë – Francë 0-3
27 nëntor 2015 Greqi – Rumani 1-3
27 nëntor 2015 Shqipëri – Francë 0-6
1 dhjetor 2015 Greqi – Francë 0-3
26 janar 2016 Greqi – Shqipëri 3-2
4 mars 2016 Shqipëri – Ukrainë 0-4
Ndeshje për t’u zhvilluar:
8 mars 2016 Greqi – Ukrainë
8 prill 2016 Ukrainë – Shqipëri
8 prill 2016 Rumani – Francë
2 qershor 2016 Shqipëri – Rumani
3 qershor 2016 Francë – Greqi
7 qershor 2016 Ukrainë – Greqi
15 shtator 2016 Rumani – Ukrainë
20 shtator 2016 Francë – Shqipëri
20 shtator 2016 Rumani – Greqi
