Studenti në volejboll për meshkuj, më 5 dhe 6 mars, do të jetë pjesëmarrës në Kupën “Adem Jashari”, e cila do të zhvillohet në Skënderaj.
Në këtë veprimtari, përveç Studentit, do të marrë pjesë edhe Luboteni i Ferizajt, Shutova e Kërçovës dhe Drenica-Rukolli e Skënderajt.
Studenti do ta ketë këtë veprimtari edhe si një parapërgatitje për finalet e Kupës së Shqipërisë, të cilat më 9 dhe 10 mars 2016 do të zhvillohen në Shkodër.
Studenti ka qenë pjesëmarrës edhe vite të tjera në këtë veprimtari, atje ku gjithnjë ka dalë fitues, çka mund të parashikohet dhe sivjet.
