ASNN – Edhe pas javës së dytë të fazës së dytë të Kategorisë së Dytë të Kampionatit Kombëtar të Futbollit, Bilisht Sporti mban vendin e tretë në grupin e Jugut, pozicion të cilin e ka që nga faza e parë.

Ajo që duhet theksuar është se Bilisht Sporti javën e kaluar ka ndaluar Himarën në një ndeshje në kushte të vështira atmosferike, ndërsa himarjotët nuk e meritojnë pozicionin që kanë në renditje.

Bilishtarët kanë një ndeshje të vështirë në fushë të huaj ndaj Memaliajt, pavarësisht se kjo ndeshje do të luhet pa spektatorë. Memaliaj është vlerësuar maksimalisht, ndërsa javën e kaluar ka humbur minimalisht 0-1 në një ndeshje me ritëm të lartë.

Memaljotët nuk e meritojnë pozicionin që ka në renditje. Ndaj Bilisht Sporti do të kërkojë maksimumin në këtë sfidë.