ASNN – Skënderbeu, në volejboll për femra, nuk ka falur në shtëpi, duke mposhtur pastër Vllazninë me shifrat 3-0. Korçaret nuk e vunë asnjëherë në dyshim këtë fitore të pastër me shifrat 3-0 përballë një Vllaznie që u përpoq vetëm në dy setet e para, por e kishte të vështirë të fitonte qoftë edhe një të vetëm. Seti i parë dhe i dytë kanë qenë thuajse fotokopje të njëra-tjetrës.
Seti i parë madje fillon me pikë të barabarta 6-6, 8-8, ndërkohë që vendëset kanë një epërsi të lehtë 12-10 dhe sërish rezultati barazohet në 17-17. Këtu korçaret fillojnë të bëjnë disi diferencë dhe pak pikë përpara fundit rezultati shënon 22-20 dhe krejt seti i parë fitohet nga Skënderbeu 25-20. Seti i dytë vazhdimisht kryesohet nga Skënderbeu vendës, por diferenca në pikë nuk është e madhe.
10-8, 16-13 dhe 21-18 janë disa nga momentet gjatë lojës, ndërkohë që në fund tabela shënon 25-20 dhe korçaret kryesojne me sete 2-0. Duke parë këtë shkodranet dorëzohen dhe seti i fundit që në start fillon 6-1, më pas 16-7 dhe diferenca thellohet duke mbyllur këtë set 25-14 dhe krejt ndeshjen me rezultatin 3-0. Korçaret tanimë sigurojnë vendin e 3-të, me 19 pikë, 4 më tepër sesa Partizani i vendit të 4-t.
Skënderbeu – Vllaznia 3-0
(25-20, 25-20, 25-14)
Skënderbeu: Demiraj, Kole, Beshiri, N. Shahu, Grabocka, E. Bego, A. Bego (L) / Male, Nasto, Zguri, Kapedani, Potomi. Trajner: M. Shahu
Vllaznia: Zhivani, Qershia, Peteza, Molla, Koçeku, Picaku, Vistakaj (L), Kiri (L) / Molla, Rranza. Trajnere: S. Goga
Gjyqtarë: R. Mujo, E. Zenullari (Tiranë)
Kampionati Kombëtar
i Volejbollit – Femra
Grupi A1
Java e 9-të
(27-29 shkurt 2016)
Të shtunën:
Flamurtari – Barleti Volej 0-3
Skënderbeu – Vllaznia 3-0
Partizani – Elbasani 3-1
Të hënën:
Tirana – Teuta (ora 16:00)
Renditja
Nr. Skuadra N. F. H. Setet Pikë
- Barleti Volej 9 9 0 27-1 27
- Tirana 8 7 1 22-3 21
- Skënderbeu 9 7 2 21-10 19
- Partizani 9 5 4 15-16 15
- Vllaznia 9 3 6 12-18 10
- Teuta 8 3 5 12-16 10
- Elbasani 9 1 8 5-24 3
- Flamurtari 9 0 9 1-27 0
