ASNN – Kampionati Kombëtar i Volejbollit për Meshkuj ka luajtur dje të 3 ndeshjet e javës së 12-të të tij dhe Vllaznia ka treguar edhe një herë “dhëmbët” si pretendente për trofe, duke fituar në 3 sete në Durrës ndaj Teutës vendase, në takimin e zhvilluar në Pallatin e Sportit “Ramazan Njala”.

Shkodranët kryesojnë me 24 pikë pas 11 ndeshjeve, dy pikë më tepër sesa Studenti, që dje ka arritur fitoren e 4-t radhazi në fazën e dytë të volejbollit të meshkujve dhe kampionët në fuqi kanë mposhtur në 3 sete Farka Volejin. Duhet theksuar se skuadra e drejtuar nga trajneri Ylli Tomori ka luajtur një ndeshje më pak se Vllaznia.

Studenti ndan vendin e dytë dhe të 3-të me Tiranën, me nga 22 pikë, ndërsa bardhbelutë ishin pushim dje. Ndërkohë, ja qenë ndeshje e bukur, me ritëm, e luftuar deri në fund dhe që mbyllet me fitoren e Skënderbeun ndaj Elbasanit në javën e 12-të të Kampionatit Kombëtar të Volejbollit për Meshkuj.

Kampionati Kombëtar

i Volejbollit – Meshkuj

Java e 12-të

(27 shkurt 2016)

Teuta – Vllaznia                   0-3

Studenti – Farka Volej        3-0

Skënderbeu – Elbasani      3-1

Renditja

Nr.       Skuadra         N.        F.         H.        Setet               Pikë

1. Vllaznia 11        8          3        26-15              24
2. Studenti 10        8          2        26-12              22
3. Tirana 10        7          3        24-11              22
4. Teuta 10        6          4        22-19              17
5. Farka Volej 10        5          5        19-17              15
6. Skënderbeu 11        2          9        8-28              6
7. Elbasani 10        0          10        7-30              2