ASNN – Janë luajtur dje 3 nga takimet e javës së 9-të të nivelit më të lartë të Kampionatit Kombëtar të Volejbollit për Femra, që njihet si Grupi A1, ndërsa takimi i fundit, ai midis Tiranës dhe Teutës, luhet të hënën pasdite, duke nisur nga ora 16:00, në Sallën Sportive “Fahrie Hoti” në kryeqytet.

Kryesuesja e renditjes, Barleti Volej nuk ka patur probleme dje në Vlorë ndaj Flamurtarit, teksa ka fituar pastër 3-0. Në takimin tjetër, Skënderbeu nuk ka falur në shtëpi, duke mposhtur pastër Vllazninë me shifrat 3-0. Korçaret nuk e vunë asnjëherë në dyshim këtë fitore përballë një Vllaznie që u përpoq vetëm në dy setet e para.

Ndërkaq, në takimin tjetër të kësaj jave, Partizanit i has “sharra në gozhdë” me Elbasanin dhe të besuarat e Roland Tarjes kanë fituar vetëm kur është dorëzuar skuadra e Rudina Garunjës, e cila në setin e katërt nuk ka luajtur thuajse fare. Të kuqet fitojnë 3-1 dhe mbajnë vendin e 4-t dhe të fundit që të çon në “play-off”-in final.

Kampionati Kombëtar

i Volejbollit – Femra

Grupi A1

Java e 9-të

(27-29 shkurt 2016)

Të shtunën:

Flamurtari – Barleti Volej    0-3

Skënderbeu – Vllaznia       3-0

Partizani – Elbasani                        3-1

Të hënën:

Tirana – Teuta                      (ora 16:00)

Renditja

Nr.       Skuadra         N.        F.         H.        Setet               Pikë

1. Barleti Volej 9          9          0          27-1                27
2. Tirana 8          7          1          22-3                21
3. Skënderbeu 9          7          2          21-10              19
4. Partizani 9          5          4          15-16              15
5. Vllaznia 9          3          6          12-18              10
6. Teuta 8          3          5          12-16              10
7. Elbasani 9          1          8          5-24              3
8. Flamurtari 9          0          9          1-27              0